Popular Bible Verses from LUKAS 13

Share

“Ware naun ngakali masuk mitah wanawang hipit. Daya, itung! Rama ulun ngakali masuk kude puang kaiyuh.

Hang yiru naan erang kaulun wawei haut walu walas taun sakit, daya naan roh jahat hawuang tengani. Wawei yiru bungkuk nelang budas puang tau minri mawitu. Tawuk Yesus kadinung wawei yiru, Yesus nerau hanye, “Ineh, panyakitnu haut ware!”

Balalu Yesus hanrapak tanganni hang ambau wawei yiru, palus hang tawuk yiru pada hanye minri mawitu balalu nawat Alatalla.

Kapinuuni, naan ulun sa pangahanrianni sa sagar jari ulun sa pangadahuluni, nelang naan ulun sa pangadahuluni sagar jari ulun sa pangahanrianni.”

Hang tawuk ampun lewu ambuan palus nutup wanawangni, naun minri hang luar balalu mulai nalitik nelang kaeau, ‘Tuan, uka wanawang ma kami!’ Tuan yiru sagar nuing, ‘Aku puang karasa teka awe naun!’

Budas puang! Hinra lagi aku kaeau: Amun naun puang batobat teka kawan dosa naun, katuluh naun pada sagar matei kala here.”

Kude tuan yiru sagar kaeau lagi, ‘Aku puang karasa teka awe naun. Hulu tulak teka yiti, naun sa ngulah kajahaten!’

Yesus nunti, “Amun Alatalla marentah, kalaawe kaadaanni? Anri inun aku tau mambandingni? Kaadaanni kala rarapisan yiti. Erang kadiki sasawi naalap daya erang kaulun balalu naamule hang kabunni. Diki yiru welum palus jari kakau, balalu kawan wurung ngulah hanaini hang kawan raan kakau yiru.”