Popular Bible Verses from LUKAS 14

Share

“Amun ulun hawi nunung aku, kude hanye diwi sinta inehni, ambahni, daranganni, kawan anakni, kawan pulaksanaini, likan dirini raerai, hanye puang tau jari ulun sa umba aku.

Ulun sa puang hakun ngantung balasangarni palus umba aku, puang tau jari ulun sa umba aku.

Daya tatiap ulun sa ngampambau diri sagar naampirandah, kude sa nyanrandah diri sagar naampambau.”

Akhirni Yesus kaeau, “Kalayiru pada anri naun. Puang sunah erang kaulun teka naun tau jari ulun sa umba aku, amun hanye puang ngurban ala katantuluhni.”

Amun erang kaulun teka naun ngunu ngapinri isa manara, batantu hanye sagar maharung hanreken biayani dahulu nampan hanye karasa inun duitni sukup pakai nyanyari manara yiru atawa puang. Daya amun bawilah hanye puang kaiyuh nyanyarini, padahal pondasini haut naulah, himat katuluh ulun sa kadinung pagawian yiru sagar kakihi hanye. Here sagar kaeau, ‘Heh, ulun yiti ngulah bangunan, kude puang kaiyuh nyanyarini!’

Jari, amun hanyu ngulah pesta, undangleh kawan ulun paua, ulun cacat, ulun lumpuh, anri ulun pehe. Hanyu sagar naberkat, daya kawan ulun yiru puang sagar kaiyuh iwaleh pikaehnu. Pikaehnu sagar nawaleh daya Alatalla hang tawuk kawan ulun sa maeh naele kamulek teka pampatei.”

“Rangi yiru maeh, kude amun jari mapahe, inun tau naampierang lagi? Puang uweng riranni lagi, hau ma ume atawa ma pupuk. Ekat neu naumpe. Amun naan silu ware sanrengei!”