Popular Bible Verses from YESAYA 59

Share

Popisí in aidmubí inta moraat dá doí in Sia mokidongog kon tungkuḷ in moiko nosambayang kon i-Nia. Dosamubí mita inta nopotondí kon i monimu nongkon i Allah.

Dika morai kon ki TUHAN in moiḻiudon in yangkó in moposaḷamat kon i monimu, andeka bongoḷan totok in mokidongog kon kuanimu.

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

Kawasa bo koagung-Nea in koondokbí in bayongan in intau nongkon pomukaan nodapot in toyopan. Sia in mamangoibí naonda bo ongkag inta motoḷog inta pinondoradak mako in tompot inta moropot.

Ki TUHAN in noguman kon umat-Nea, “Akuoi in mamangoibí in Yerusalem sin moposaḷamat kon i monimu komintan inta nogogaidon in nogaid kon dosamu mita.