Popular Bible Verses from YIDNAK YIDNAK WENE 1

Share

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

Yogolikma-ge, at-nen engga yak ondosolar-e: ”Yi tarem ndi tarem iri-ge an Neid ondomok amawi bem-nen lud tak pidnak iri-ge kit tet kenaru momtag-e lag-o.

It inmin woralat-nen it yak ondosolar-e: ”Yerusalem yu me-ge keya buruk mbururak puk na-e. Are, Neid-nen obok yak kindidnak iri-ge towarak wolmer-o. Iri yidnak wene-ge an-nen yak kondosolat woragi nar-o. Nde, Yoanes-e we yi bem nak-nen ap yi marosolat woragaij-o. Alat nde, mariget nggal worarug-e, kir-e Konak Indi bem-nen yi mat kunpuwa-o” luk yak indij-o.

At yane wutlug-e, ar-e ndemeret uruk worasu-o luk yenggerak puwaklug-e, it inmbiri bem at na at ondomok nuk eneyasolar-e, empat pulu tarem woralar-e, Mbal Pem Nagawan-nen tenagaidnak wi wene mirik onposolat woragaij-o.

Iri wene yak unduruk, it-nen yik karok worakmu-ge, at lek karuk lasola-ge, nggan nggan-nen muruk tak posola-ge, it-nen-e kagit lak yiga-o.

At lasola-ge, it na-ge enlengen mbal nggwe arogo lik karok worakmu-ge, ap mberen sum loro yiridnak mimo it endam panggosa mendak woragolat-nen it yak ondogolar-e: ”Nggalilea nap wa-e. Kir-e noluk mendak-nen mbal nggwe lik karok worali-o? Kit kendam-nen keya kunpuruk lek karuk aid arem lagaid Yesus yu-ge aid arem lasola kaigep iri na nggal-et kwasa mbuma-o” luk yak indiga-o.