Popular Bible Verses from YIDNAK YIDNAK WENE 2

Share

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

Iri lug-e, ir-e pempa wirik inpidnak nap-nen mirik inpidnak wene puksa wanogolat, it inmin kundik woragolat, mburu ndeksa nonggolat, tepan yogolat irit kwarogolat woraiga-o.

Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

Worakmu-ge, mimo ereya na-net mbal nggwe-nen obube nggal kwarat puk kil mbuwasolar-e, ene pu iri na-ge it koreyak woraidnak sa o ma irit yebet yij-o. It na yik karok worakmu-ge, kan amare tinggiringgi nggal wiyuluk, it komondomok enpem pak yosola kaiga-o. Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

Nde, pelin na pelin na it inndi lambuksa Mbal Pem Nagawan ama ndok worogolat, it enma lombok-nen mburu ndeksa nonggolat yiga-o. Nunggwi mende nonggolar-e, inndi mot mor-et enalin min nonggolat, Mbal Pem Nagawan erembel wanogolat kwarogola-ge, ap pidsa-nen it inndingen tak inpiga-o. Iri ala-ge, pelin na pelin na Nagawan Indo-nen-e inmiri yidnak nab-e it inmin nambenak onposolat woragaij-o.

’Mbal Pem Nagawan-nen yosolar-e: ”I woronosolat tarem-e an Nindi-ge ab-e ap enpem nggilara mberak pil mbuwamin-o. Iri ala-ge, kit kenmbararak min kenararak min-e urul pogolat, kunsugwerak-nen-e yik kagwi mende na yik kagolat, kineidtak inndi worak-nen-e yi nabi ndi nabi kagolat irit yuwa-o.

It inndi Yesus ebem angin tubu yidnak nab-e lambuksa woragolat, enarengge na it lambuksa winde woragolat woraiga-o. It onggweyak min insilobulo min onggo wanuruk, tol-e tembesa ap pidsa ndak ndak wok ondogolat woraiga-o.

Nde, ta-nen nde Nagawan Indo unu luk wene mbo buwa nab-e irit inmiri yaga wok unduwa-o” ’ yij-o.

Nde, Nagawan Indo-nen idnak Tarem, nggulok abinal worak Tarem iri wok yigit lak ma-ge, molengen na lumu yosolar-e, mom ki yosolat, waneya na eyabi worak yosolat ma-o.