Popular Bible Verses from YIDNAK YIDNAK WENE 4

Share

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.

Nagawan Indo wa-e. Yawo-ge it enne amawi min-et watsa yak nindidnak wene iri-ge yebet ki-o. Yebet karug-e, kat ndegel kubugwi nap nir-e kat-nen yidnak wene yik tenak wolmok-nen kwiye kagwi buk elem wok nindi-o.

Yesus iri-ge kit o wurugwi nap-nen mbo bigep kereb-et nde, at iri-ge o unggut nggwe paro pidnak kerep nde kwat yij-o.

Yosoloma-ge, it-nen yik eneyagolar-e, Peterus min Yoanes min na enmbereg-e we nap, sekola yugwi buk nab-et nde, wene kwiye lag-et yogola karuk, ir-e wi langgu mbarogolar-e, it enmbereg-e Yesus imin nugwi nap irit yenggerak eneyaiga-o.

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.