Popular Bible Verses from MARAKUS 13

Share

Kir-e an nimin nugwi nap me, ap pidsa-nen insili rak kunpuwa-o. Alat nde, ta-nen nde momak puruk irit worasoma, worok tak puwa tarem wok ma nab-e imiri yuwa-o.

At lobok yurak tarem-e kenaru buk me, kunlug-et woragolat, kwil kwalsa wolmer-o.

Nde, it-nen tena kunpuruk, ap enpem wene mbarugwi sa lit kunpuruk mborogola-ge, ’An-e no yimin-o?’ luk kunmud kudtak pug-o. Kat-nen yurak tarem wok yosola-ge, ereya-net kemendam tak pidnak irit yurag-o. Nde, kat-nen yugun iri na-ge kat-nen-e lag-o. Are, Konak Indi-nen kemendam tak pidnak wene-nen yusu-o.

Mbal min nggweyak min lak ma-t nde, an-nen yidnak wene-ge lag-e ma bug-o.

Alat nde, iri kwaruwa tarem min jam min ap misiger-o luk tet enaru bug-o. Aid arem woragwi aid nap-nen na enaru buk, Ambara-nen na aru bug-et nde, Neid nak aru-o.

Wim ngarogolat san ene tup min wim kirimbi min kulurug-e, wendet yurak pug-o. Iri-ge ndemeret kwat ma-t nde, worok tak purak tarem panggo yosolat-nen kwat ma-ge lag-o.

O winde iri-ge keyama lak, nggiringgendumu lak, o nda nda lak, kubu kabu lak, at lobok yuwa tarem-e kenaru buk me, mondok yik karok wolmer-o. At mimo lobok yosolar-e, kit nene yukmu, kiniyujwa iri-ge mondok meya-o. ’Yik karok wolmer-o’ luk yak kundusu yu-ge ap pidsa min-et yak undusu-o” luk yak indij-o.

Nin nap enlem-nen-e nin nap enlem min wim mbarogolat, nagawan misik-nen tenagaidnak wi woragwi nap-nen-e nagawan misik-nen tenagaidnak wi woragwi nap inmin wim mbarogolat, o nin me nan me o lele yosolat, nogoro kwarat mbud yosolat ma-o. Alat nde, iri oboksa-ge kwami-nen li ndaguwokluk yane witli iri nggal anggun panggun kenpem mbumom iri na tel korosolat-nen kwat ma-o.

Nde, aid wene na-ge mondok nandug-et ap pidsa yak undurag-o.

Ap kwarat-nen an nggal kwasa lobok yogolar-e, ’Kerisut na an-er-o’ yogolar-e, ap kwarat onmbol pem lujwa-o.

Alat nde, kir-e mondok kwara wolmer-o. Tenaga lit kunpuruk mburuwarik, wene mbarugwi nap ininggem konpogolat, Yawuri nap tepan yugwi ma-nen mbut kondogolat, an nebem ala, pemerinta nap min nagawan nagawan min ininggem kunpuwa-o. Nde, iri kunpuwa iri-ge an-nen yidnak wene it kenggera yak undurak tarem nanongga-nen yusu-o.

Enesiget siget Kerisut min enesiget siget Mbal Pem Nagawan ene lomboksa yugwi nap min-e men ma-o. Nam yogolar-e, Mbal Pem Nagawan ilirak na enmberam ludtak ndak ala-ge, enmberam lujwoklug-e, wi yurak mende min kwiye worak mende min kwaruwa-o.

Nde, anggun panggun tarem na worarug-e, molengen ndamuk yosolat, waneya na eyaya lak yosolat, wonaru na mbal pem-nen yap kap mbuwasolat, teram amawi rak poso mende na nari wari mbosolat ma-o.