Popular Bible Verses from MARAKUS 12

Share

Yesus-nen yosolar-e: ”Mbal Pem Nagawan-nen ’Iri nggal kwarurag-o’ yidnak wene enggendumu owak ndum lombog-e yur-o: ’Israel nap wa-e. Kwara koler-o. Nagawan Indo nit Nenmbal Pem Nagawan iri-ge Nagawan Indo mondok misiget-nen yusu-o. Nagawan Indo kit Kenmbal Pem Nagawan abuwa kagolar-e, kinndi oboksa min kenpe oboksa min kinndi nggat nggat oboksa min kenmawi pidsa min-net at abuwa kagolat wolmer-o.’ Nde, Mbal Pem Nagawan-nen ’Iri nggal kwarurag-o’ yidnak wene enggendumu owak ndum lombok misig-e yur-o: ’Kat kambikpebe kabuwa kasu nggal-et kat kennggamirak enabuwa ki-o.’ Mbal Pem Nagawan-nen ’Iri nggal kwarurag-o’ yidnak wene enggendumu wene ereb-e te nggal-et nde, owak ndum lombog-e mberen irir-o” luk yij-o.

Yarak posoloma-ge, Yesus-nen at owosirak wene mbo unpuruk, it yak ondosolar-e: ”An-e ndemeret yak kundusu-o. It ereb-e marig-et yarak piga-t nde, isilobulo lak kwe togwe yu perak nde mondok kwarat yarak pij-o. It erep pidsa-ge insilobulo kwarat iri na bem-nen yarak piga-t nde, kwe togwe iri perak nde isilobulo lag-et nde, misig-e keya bigit lak, at norak mende onggo purag-et nde, at arengge oboksa yarak pij-o” luk yak indij-o.

Yesus na-ge Mbal Pem Nagawan ama-nen Mbal Pem Nagawan amanggim yarak pugwi labu mbarak iri na eralu koreyak woralar-e, ap-nen uwang yarak pili iri na lombot posolat woragaij-o. Worasoma-ge, insilobulo worak nap kwarat-nen uwang mbunu-t yarak piga-o. Nde, isilobulo lak kwe togwe mbi lobok yosolar-e, kerep tol mberen, ebe lak mende irit yarak pij-o.

ap-nen at abuwa kagolar-e, enpe min inndi min enmawi min pidsa-nen at abuwa kudtag-o. Nde, it enambik enabuwa kali nggal-et ennggamirak enabuwa kudtag-o. Nde, Mbal Pem Nagawan amanggim wam ebis-et kan pili min wam witli min iri-ge teberag-et nde, iri kwarugwi iri-ge nggok-nen yusu-o” luk yij-o.

Yogolikma-ge, Yesus-nen it yak ondosolar-e: ”Iri nde ala-ge, Kaisat arengge ala, Kaisat amanggim purag-o. Nde, Mbal Pem Nagawan arengge ala, Mbal Pem Nagawan amanggim purag-o” luk yosoloma kuluruk, wi langgu mbariga-o.