Popular Bible Verses from Lukas 11

Share

Nau' hewa apa-mi kadada'a-nie, ni'inca moto mpowai' to lompe' hi ana'-ni. Peliu–liu-nami Tuama-ni to ria hi rala suruga! Bate nawai' Inoha' Tomoroli' hi tauna to merapi' hi Hi'a.”

”Jadi' ku'uli'-kokoi: Perapi'-mi hi Alata'ala, nawai' moto-ta mpai'. Pali' kaparaluua-ta hi Alata'ala, tarata moto mpai'. Neo' tabahakai mpopebea wobo', Alata'ala mpobea moto-taka mpai' wobo'-na.

Apa' hema to merapi' bate rawai'. Hema to mpali' bate mporata. Hema to mpopebea wobo', bate rabea-ki wobo'.

Na'uli' Yesus mpo'uli'-raka: ”Ane mosampaya-koi, uli' hewa tohe'i: Mama, pomperapia'-kai bona hawe'ea tauna mpobila' hanga'-nu to moroli', bona Iko jadi' Magau' hi dunia'.

Ampungi jeko'-kai, apa' kai' wo'o mpo'ampungi hawe'ea tauna to masala' hi kai'. Pai' neo'-kai nupelele' rasori.”

Wai'-kai pongkoni' to kiparaluu eo–eo-na.

Mata-ta ma'ala rarapai'-ki hulu'. Ane lompe' mata-ta, monoto pehilo-ta. Aga ane mogawu mata-ta, hewa mobengi pehilo-ta.

”Uma ria tauna mposuwe palita pai' nawuni ba napopoi' hante kura. Palita bate ratu'u hi pontu'ua-na bona hini-na rahilo tauna to mesua'.