Popular Bible Verses from Lukas 10

Share

Jadi', bona ni'inca: kuwai'-mokoi kuasa, bona ma'ala-koi mpolisa ule ba lipa pai' mpodagi hawe'ea karohoa bali'-ta. Uma hema to mposerohi-koi.

Na'uli' Pue' Yesus: ”Ee' Marta! Sese' pai' kawuhe rahi-ko mpenonoi to wori' nyala. Hiaa' kakono-na, to paraluu nubabehi hanyala lau-wadi, toe-mi mpo'epe Lolita Alata'ala. Ane Maria, napelihi-mi bagia to lompe', pai' bagia toe uma mpai' ra'alai' ngkai hi'a.”

Natompoi' guru agama toei: ” ’Kana tapoka'ahi' Pue'-ta Pue' Alata'ala hante nono-ta mpu'u, tatonu hawe'ea katuwu'-ta hi Hi'a, tapoka'ahi'-i hudu pakulea'-ta, pai' hudu inca-ta.’ Pai' ’Kana tapoka'ahi' doo-ta hewa pompoka'ahi'-ta woto-ta moto.’ ”

Na'uli' mpo'uli'-raka: ”Tauna to doko' mpo'epe Kareba Lompe' ma'ala rarapai'-ki pae to taha'. Wori' pae to kana rapepae, aga topepae uma-ra wori'. Toe pai' kana mekakae-koi hi pue' bonea, niperapi' bona nahubui tauna hilou mepae hi bonea-na.

Hudu-mi jarita-na toe, napekune' Yesus hi guru agama toei, na'uli': ”Ntuku' pomporataa-nu, ngkai to tolu toera, hema-ra to ma'ahi' hi doo to rarampaki toei?” Natompoi' guru agama toei: ”Tauna to mpotulungi-i.” Na'uli' Yesus: ”Koi'-moko, babehi wo'o-kowo hewa tetu.”

”Hilou-mokoi, aga pelompehi, apa' kuhubui-koi hilou hi olo' tauna to dada'a. Koi' mpai' hewa bima hi olo' serigala.