Popular Bible Verses from Lukas 9

Share

Ngkai ree, Yesus mpololitai hawe'ea tauna, na'uli': ”Hema to doko' mpotuku'-a kana mpobahaka konoa-na moto, pai' kana napaha'a kaju parika'-na butu eo-na–batua-na: kana natuku' hawa'-ku nau' napopate-ki. Oti toe-di pai' lako' ma'ala-i mpotuku'-a.

Hema to mpentaei konoa-na moto, uma-i mpai' mporatai katuwua' to lompe'. Aga hema to mpobahaka konoa-na moto sabana petuku'-na hi Aku', nau' napopate-ki, hi'a-mi mpai' to mporata katuwua' to lompe' duu' kahae–hae-na.

Na'uli' Yesus mpo'uli'-ki: ”Tauna to ntepu'u-mi mopajeko', uma-hawo lompe' ane kaka'ili'–ili'-i. Tauna to hewa toe kehi-ra, uma-ra natao jadi' topobago hi rala Kamagaua'-na Alata'ala.”

Napa kalaua-na tarumpu hawe'ea ka'uaa' dunia', tapi' kao'-ta moto morugi apa' uma taratai katuwua' to lompe' hi eo mpeno-na.

”Hema to me'ea' mpangaku' petuku'-na hi Aku' pai' mpoka'ea' tudui'-ku, Aku' wo'o mpai' me'ea' mpangaku' kahi'a-na topetuku'-ku ane rata-apa mpai' ngkai suruga. Nto'u toe mpai', Aku' Ana' Manusia' mana'u tumai hante mala'eka–mala'eka to moroli', mehini-a hante baraka'-ku pai' hante baraka'-na Tuama-ku.

Yesus mpotompoi'-i, na'uli': ”Bangko' ria pulo'u-ra, pai' danci ria peta-ra, aga Aku' Ana' Manusia' uma-kuna ria tomi-ku kupoturui.”

pai' na'uli'-raka: ”Hema to mpotarima ana' to kedi' toi sabana petuku'-na hi Aku', batua-na Aku'-mi to natarima. Pai' hema to mpotarima-a, mpotarima wo'o-imi Pue' Ala to mposuro-a. Hema-koi to tuwu' mengkadingki', hi'a-mi to bohe mpu'u tuwu'-na.”