Popular Bible Verses from O KELUARAN 5

Share

De ipaha o Musa deʼ o Harun yöiki iwï himanga o Mesir mangakoano deʼ yotemo, ”Hoko nënanga ma Jou Aipareta, o Israeloka manga Jou Madutu, ’Nä higumal̄a Ahi nyawa yöiki hupaya önanga yakunu ihi huba ihi horomati Ngohino o tonaka ikokakahaoka.”

De maöraha ngohi tïhimanga ma koano deʼ totemo-temo tao Ani romanga, ünanga womulaenge wä aniaya o Israel manyawa nënanga. Deʼ Ngona kö kia-kiaua nodiai mangale näriwo önanga.”

Daha o Musa wïhimangoli ma Jou deʼ wotemo, ”Jou, yadodoaho o Israel manyawa Nähidiai mamodorouino gënanga? Yadodoa ho Ngona nohihuloko ngohi nenangino?

”O naguna gënanga ma Jou,” ma koano woleha. ”Yadodoa ngohi kokiani tï haduli nanga deʼ tahi gumal̄a o Israel manyawa yöiki? Ngohi tï nakoua ma Jou gënanga, deʼ o Israel ma nyawa ta higumal̄aua yöiki.”

Mä niä huloko önanga yodiai o tela ikurangua ma ge getongo de ihö hira-hira. Onanga yomau ima totebeturu dika; gënanga ma hababu önanga kahoko genangika yotaiana hupaya hä higumal̄a yöiki hupaya ihi huba o huhuba toönanga manga Jou Madutuika. Niä pakisa o nyawa gëonanga yokarajanga iholoi i tubuho, hupaya önanga yotasibu de o karajanga deʼ manga öraha koiwa mangale ihi gihene o jarita-jarita ielu-eluku.”