Popular Bible Verses from O KELUARAN 4

Share

Ma Jou wïtemo unangika, ”O naguna wahi döaka o uru o nyawaika? O naguna wadiai ünanga womou ekola iwi topongono? O naguna wadiai womahi öriki ekola wopiloko? Koigoungua Ngohi, ma Jou? Oraha nënanga, nöiki, Ngohi aha tonï riwo ngona no temo-temo deʼ Tonï dotoko okia kokiani ngona nahetongo.”

Mä o Musa wotemo, ”Ya Jou, ngohi koigoungua o nyawa yososawaro yotemo-temo yaoa kahuruonino kayaoa o öraha nënanga, ibötino Jou nohi temo ngohino. Ngohi ahi akiri itubuho, totemo itaulu deʼ itaitua.”

Daha ma Jou wï ngamoka o Musaika deʼ wïtemo, ”Koigoungua ngona deʼ ani riaka ai romanga o Harun? Ngohi tohi öriki ünanga wosawaro wotemo-temo. Igou-goungu ünanga ai dodagi magoronaka nenangino, deʼ ünanga aha wosanangi nima make dede ngona.