Popular Bible Verses from O YOHANIS 17

Share

Nahi dadi önanga, kato Ngona Ama madutu noma dinga-dingakoka o diai; Ani demo Ama gënanga o diai.

Nënanga o ngango madutu deʼ ikokakali; hupaya o nyawa ininäko Ama Jou Madutu madiai nomadinga-dingakoka deʼ iwinäko o Yesus Kristus, Ama nihulo-hulokoka.

Mangale ka onangua nënanga dika Ngohi toma niata. Ngohiö tomaniata mangale hagala o nyawa aha ihingaku Ngohino de to önanga manga hakihi nënanga. Ngohi togahoko, Ama hupaya önanga mata-mata yodadi kamoi, hokä Ama kamoi dede Ngohi, deʼ Ngohi dede Ngona Ama. Tanu önanga yodadi moi dede ngone, hupaya o dunia yongaku Ama nohihulokoka Ngohi.

Ngohi togahokua hupaya Ama nal̄ë önanga o duniaino nënanga, mä Ngohi togahoko hupaya Ama nagöana önanga o Dorouino.

Ngohi tahidöakoka onangika o mulia Ama nohihidöa-döakoka Ngohino, hupaya önanga yodadi moi, hokä ima tero Ngoneö kamoi; Ngohi dede önanga, deʼ Ama dede Ngohi; hupaya önanga igou-goungu kamoi. O dunia aha ihiöriki Ngona Ama nohihuloko Ngohi, deʼ Ama nahininga önanga hokä Ama nohihininga Ngohi.