Popular Bible Verses from O LUKAS 4

Share

”Ma Jou ai Womaha naga Ngohioka, hababu Unanga wohi gorakoka ngohi la tohingahu o Abari ma Oa o nyawa mihikinika. Unanga wohi huloko ngohi la tohi ngahu o duduhuhu o nyawa yätago-tagokika deʼ o nyawa yopiloko ima hiorikoli; la tä hohe o nyawa yahidapara itotorou deʼ tohi ngahu ma Jou aiböa maöraha wahihalamati to Unanga aiumati.”

O Yesus wohaluhu, ”Ma Jou Ai Demo ma Buku magoronaka itulihi, ’Niwi huba nia Jou Madutu deʼ niwï leleani Unanga dika.’ ”

O Yesus wohaluhu, ”Ma Jou Ai Demo ma Buku magoronaka itulihi, ’O nyawa yakunua yowango kade o roti dika.’ ”

O Yesus iwikuaha ma Jou Madutu ai Womaha maöraha Unanga wamal̄a o Yordan ma Ngairi. Ma Jou Madutu ai Womaha iwiao Unanga o tonaka i kokakahaika.

O Yesus wohaluhu, ”Ma Jou Ai Demo ma Buku magoronaka itulihi, ’Uha niwitaili nia Jou Madutu.’ ”

Ipahaka o Ibilihi iwitaili o Yesus de hagala rupa madodagi, ënanga iwimal̄aka o Yesus, deʼ yodamä o öraha maoa.

Daha o Ibilihi iwiao o Yesus o ngï magögurutil̄eoka, deʼ o lako dadawi o Ibilihi wihidumutu Unangika mata-mata o kuaha o popareta o duniaka de makaramata. ”Mata-mata o kuaha deʼ o kaya nënanga aha ngohi tonihidöaka Ngonaika,” o Ibilihi i temo o Yesusika, ”Hababu mata-mata nënanga ihihi döakoka ngohino, deʼ ngohi takunu tohidöaka nagonaika dika, ngohi tomau tahi döaka. Mata-mata gënanga aha idadi kato Ngona, nako Ngona noma ruku nohi huba ngohi.” O Yesus wohaluhu, ”Ma Jou Ai Demo ma Buku magoronaka itulihi, ’Niwi huba nia Jou Madutu deʼ niwï leleani Unanga dika.’ ”

Daha o Ibilihi iwiao o Yesus o Yerusalemika deʼ iwikelenga Unanga ma Jou ai Tau maponatoka deʼ iwitemo Unangika, ”Bari Ngona ma Jou Madutu ai Ngohaka? Hoʼ nenangoka de noma ngumo. Hababu Ma Jou Ai Demo ma Buku magoronaka itulihi, ’Ma Jou Madutu aha wahuloko Ai malaekat-malaekat inï göana ngona ihi dodiai.’ Deʼ ikali, ’O malaekat-malaekat aha inilegono Ngona de manga giama, hupaya Ani l̄ou mauha i peleke o helewoika.’ ” O Yesus wohaluhu, ”Ma Jou Ai Demo ma Buku magoronaka itulihi, ’Uha niwitaili nia Jou Madutu.’ ”