Popular Bible Verses from O MARKUS 12

Share

O Yesus wohaluhu, ”O tita madodihiraka, genangala: ’Ni ihene, hei o Israel manyawa! Nanga Jou Madutu, ma Jou gënanga woma tëngo-tëngoka. Nïdora ani Jou Madutu de ani hininga magahumu, de ani jiwa magahumu, de ani akali magahumu deʼ de hagala ani kuata.’ O tita mahinotoka ena ganga: ’Nädora ani dodiawo, hokä ngona nödora ani diri mahirete.’ Koiwaka o tita mahomoa iholoi i lamoko de o tita hinoto gënanga.”

Daha o Yesus wä ahoko iwinö ninïki, daha wätemo onangika, ”Nio lega nihi dodiai nënanga: O bobao momö mihikini gënanga mönöa o huba mangïuku gënanga iholoi iwöe de yönöa-nöa mata-mata o nyawa mahomoa gënanga. Hababu önanga mata-mata i hi döaka de manga arata maboloi. Mä o bobao gënanga ngarokö duru mohuha mohi döaka mata-mata okia naga munangoka – ima korona de okia münanga moparalu mngale ami wowango.”

Maöraha wogogeruku womahi totäna de o huba mangï ma Jou ai Tauoka, o Yesus wälega-lega o nyawa yönöa manga tiwi o huba mangïuku gënanga. Manga ngöe o nyawa yokaya-kaya yönöa mangöe o tiwi; daha momatëngo o bobao momö mihikini munangö moböa. Münanga mönöa o tiwi tabaga gahumu hinoto, enagënanga o tiwi magilianga maija mahuhutulu.

Deʼ o nyawa kokiani iwï dora ma Jou Madutu de manga hininga magahumu de manga akali ma gahumu deʼ de hagala manga kuata. Deʼ unangö kokiani wä dora ai dodiawo hokä ai diri mahirete. Gënanga i holoi yaoa ngaro ihi huba o huhuba yatuhu-tuhuku deʼ o huhuba-huhuba mahomoahi ma Jou Madutuika.”

”Aa, nako hoko gënanga,” o Yesus wato, ”nihi döaka ma Kaisarika okia naga toma Kaisar, deʼ ma Jou Madutuika okia naga to ma Jou Madutu.” Onanga yohëranga yoihene Ai bobaluhu.