Popular Bible Verses from O MARKUS 9

Share

”Okia nato? Nako Bapa yakunu?” o Yesus wohaluhu. ”Hagala mata-mata yakunu, mangale o nyawa yongaku!”

Gila-gila o ama gënanga wopöaka, ”Jou, ngohi tongaku, mä ahi ngongaku ikuranga. Nohi riwo ngohi hupaya i holoi tongakuoli!”

O Yesus o tauoka waikaka, iwinöninïki yaino imatëngo-tëngo Unangika deʼ yoleha, ”Okia mahababu ngomi miakunua mia duhu o womaha madorou gënanga?” O Yesus wohaluhu, ”O womaha madorou marupa hoko gënanga, mahomoa de o hubayanga, de madodagi okiali ma yakunua nia duhu.”

O gahi gënanga yaöa, mä nako idadi i akere, kayakunu i gahioli? Hoʼ, kokiani ngini hokä o gahi – ni wango nima komoteke deʼ nimahi teke dodiai.”

”O nyawa yätarima o ngohaka moi hokä o ngohaka nënanga karana Ngohi, mamangarati ihi tarima Ngohi. Deʼ o nyawa ihi tarima Ngohi, ünanga ka Ngohiua dika wohi tarima, mä witarimali Unanga wohi hulo-huloko Ngohi.”

Nio hohininga! O nyawa inihi oke-okere ngini karana ngini ma Koano Wohi hohalamati niwi ninïki, ünanga maraioka aha watarima ai hewa.”

”O nagona yodadi hababu moi o ngoha-ngohaka manga alu-aluhu nënanga yongaku okaua Ngohino, iholoi yaöa nako o helewo ibihi-bihi ihi gogulinga ihi dilikoino manga tomarino deʼ yä umo o ngötuku.

Nako ani lako idadi hababu ngona nobaradoha, natubalenge ani lako gënanga! I holoi yaöa ngona nowohama ma Jou Madutu ai Dunia ma Hungi, de anilako mahononga koiwa, nakoino de ngona de anilako hinotö iniumo o narakaika.