Popular Bible Verses from YOHANES 12

Share

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

Taumata apan mandangngu wiakke sarun awul᷊iannu wiakke. Arawe taumata apan maddantinnu wiakke su runia indi, sarun maapadul᷊i wiakka tutune wuṛṛu saran mal᷊annu-l᷊annu.

Mangke atonna wisara-U indi: Amungkangngu gandumma sambatu tawe iasi'a su leta'a wuṛṛu mate, i tou ta'e matatana'a sambatu. Arawe amungkangngu watun gandumma udde mate, wakkute udde i tou mabua manambo.

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

Taumata apan maddaringikka al᷊ara-U, arawe tawe tumuṛṛutta – wal᷊ine i Ya'u makkuumanni tou. Ana waugu i Ya'u nirumanta wal᷊inewe mamarikissa runia indi, arawe rumanta manal᷊amatta.

Wua'udde i Maria nirumanta uaapiddu iraṛṛangngo mal᷊oara su liteṛṛe lana mawangngi narwastu apan masagada atonna aregane. I Tou nanebokku lana udde su ledda Mawu Yesus, see niapun uta'i tou. Ahewallu wal᷊e udde nabal᷊i mawangngi ana waugu hal᷊urun lana udde.

Ne i mangitou nanappo manga rongngu palem see inaite nanansomakka si Tou, lapiddu u'ui, “Paddalote Ruata! Inal᷊amatanna i Tou apan nirumanta ringannu arannu Mawu. Nial᷊amatanna Ratun Israel!”

Mawu Yesus nabbisara si mangitou, “Nia'omante tempone Ana'u Taumata wantuhanna.