Popular Bible Verses from LUKAS 17

Share

See Mawu Yesus nabbisara su taumata udde, “Darisikke, wuṛṛu roote. Ana waugu i'o mangngimanna si Ya'u, i'o napiate.”

Amungkangngu i tou nassal᷊a si'o paapitu sulal᷊ummu massallo wuṛṛu suapan massal᷊a rumanta ringannu wuṛṛu mabbisara, ‘I ya'u madorongnga ampungnga,’ ampungewe i tou.”

Napawe sangkatou su wallatti mangitou naapendamma manungku i tou napiate, i tou nabelengnga see ringannu tingikka ma'ikkatta i tou nadalo Ruata. See su saruannu Mawu Yesus i tou nassubba wuṛṛu naadiangkamanna si Tou. Taumata udde taumatan Samaria.

Ana waugu udde, paatehamma! Amungkangngu tuṛṛangngu ma'ola'a rosa, taggue i tou. Amungkangngu i tou sinumassilla, ampungewe i tou.

Wua'udde Mawu Yesus nabbisara, “Wal᷊inewe pia sire mapul᷊o apan niapaapia? Suapa sire sio udde?

Mawu Yesus sinumimbakka, “Amungkangngu i yamiu pia pangangimanna ere ahewallu watun sawi, yamiu wotongnge mabbisara su alu murbei indi, ‘Aabute i'o wuṛṛu tuwote su tahal᷊oangnga,’ alu indi sarun tumuṛṛutta parentanu.”

Taumata apan mattinsahadda manal᷊amatta wiakke, sarun awul᷊iannu wiakke. Arawe taumata apan niawul᷊iannu wiakke sarun maasal᷊amatta wiakke udde.

Mawu Yesus nabbisara manga mallal᷊aṛṛenggen-Ne, “Manga inolaanna apan ma'arosa taumata udde ṛinone pia. Arawe nasilakate taumata apan naola'a punnene! Mappianne amungkangngu pia watun gahilinganna ii'itta su ullekkane, see i tou iwontolla su tahal᷊oangnga wuassu i tou mapaarosan sangkatou su wallattu manga taumata maradio'a indi.

Su allo udde Ana'u Taumata sarun iapaal᷊iatta'a lihidde ere su tempo Nabi Nuh rorone. Taumata u'anna wuṛṛu ma'inumma, wuṛṛu ma'awingnga; aroddi lai tawe illol᷊one na'oman sara i Nuh sinumutta sulal᷊ummu apalla wuṛṛu nammanawangnga lapiddu namate anambon taumata udde.