Popular Bible Verses from Juan 16

Share

<<Llapan kaykunatam willarqü noqaman criyir alli kawayänaykipä. Kay patsachö kawayanqaykiyaqqa ñakayankirämi. Peru tsaynö kaptinpis valorta tsariyay. Noqam kay patsachö llapan mana allikunata vincirqü>>.

Peru rasun kaqta tantiyatsikuq Espíritu Santu shamurmi sïqa Diospa willakuyninta llapanta tantiyatsiyäshunki. Payqa manam kikinpa yarpayllanpitatsu tantiyatsiyäshunki, sinöqa ninqäkunallatam. Tsaynöllam ima päsananpä kaqkunatapis tantiyatsiyäshunki.

Noqapa jutïchö manam Papänïta imatapis mañakuyankirätsu. Kananpitaqa jutïchö mañakuyay. Mañakurqa chaskiyankim. Tsaynöpam pasaypa kushikuyanki.

Rasunpam nï: Qamkunapäqa mas allim noqa aywakuptï. Mana aywakuptïqa Yanapakuq Espíritu Santu manam shamunqatsu. Peru aywakurmi sïqa payta mandamushä. <<Espíritu Santu shamurnam runakunata tantiyatsinqa jutsayuq kayanqanta, Tayta Dios munanqannö kawayänanpä kanqanta y juzgashqa kayänanpä kanqanta.

Tsaynöllam qamkuna kanan llakikurpis yapay tinkushqa kushikuyanki. Tsay kushikuytaqa manam pipis qechushunkitsu. Yapay tinkushqaqa mananam imatapis tapuyämankinatsu. <<Rasunpam nï: Noqapa jutïchö imatapis mañakuyanqaykitam Papänï qarayäshunki.

Rasunpam nï: Aywakuptïmi Diosta mana cäsuq runakuna kushikuyanqa. Peru qamkunam sïqa llakikur waqayanki. Tsaynö llakikur tsaypitarämi kushikuyanki.