Popular Bible Verses from Juan 17

Share

<<Willakuynikiqa rasun kaqmi. Willakuyniki ninqannö kawayänanpä yanapaykullay.

Mana ushakaq kawaychö kawaqkunaqa qamtam reqiyäshunki. Tsaynöllam noqatapis reqiyäman. Tsaynöpam tantiyayan japallayki Dios kanqaykita y noqata mandamanqaykita.

<<Peru manam discïpulükunallapätsu mañakamü, sinöqa willakuyanqanta criyir noqaman criyimuqkunapäpis mañakamümi. Papä, noqantsik jukllaylla kanqantsiknö kikinkunapurapis y noqantsikwanpis jukllayllanö kawayänanpä yanapaykullay. Tsaynö kawayanqanta rikarmi wakin runakunapis tantiyakuyanqa mandamanqayki Cristo kanqäta.

Chikiyaptinpis manam kay patsapita ras pushakunaykipätsu mañakü, sinöqa Satanáspita tsapaykunaykipämi.

<<Willakuynikita tantiyatsimanqaykinöllam tantiyatsirqü. Tsaymi noqantsik jukllaylla kanqantsiknö paykunapis jukllayllanö kayanqa. Jukllayllanömi paykunawan kä y qampis noqawan jukllayllam kanki. Tsaynöpam paykunapis juk shonqulla kuyanakuyaptin mandamanqayki Cristo kanqäta runakuna tantiyayanqa. Tsaynöllam tantiyayanqa noqata kuyamanqaykinö paykunatapis kuyanqaykita.