Popular Bible Verses from Varoma 14

Share

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage. Muthu a thumelago Kristo khu magirelo nya nga ayoyo, a ngu tsakisa Nungungulu, a wuya a zundzwa khu vathu.

Ha gu vbanya ha gu vbanyela Pfhumu, ha gufa gambe ha gufela Pfhumu. Kholu gani hi ngu vbanya, gani hi ngufa, ha gu lumba Pfhumu.

Khu kharato, hongoleni hi dzi garadze khu gu vbweta silo sile si hi reselago gurula ni gu tiyiselana gukhodwani.

Khu kharato, hi nga lamuli vakhwathu. Hi na dzi garadze khu gumba gira ni gimwegyo gilo gi dzi kodzago gu tshunganedzisa vakhwathu va thega gighohoni.

Pfhumu a ngu ganela omu nya Milowo nya Guage, khuye: “Nyi ngu tiyisa gwanu kheni vathu vatshavbo va na khidzima mbeli gwangu. Vatshavbo va na fakaza vathuni khavo kheni Nungungulu.” Khu kharato, muthu ni muthu a naya dzi ganelela abune gwa Nungungulu.

Wule a sa tiyago gukhodwani gwaye, mu hakheni gwadi, mu nga ganedzisani naye khu kotani nya mawonelo yaye.

Khuwe mani uwe u tiyelago gu lamula githumi gya mumbe muthu? Mune wa igyo khuye a lamulago, gani gi ngu pala gani gi ngu padwa, isoso si na ni mune waye. Aholu a na pala kholu Pfhumu a na ni tshivba nya gu mu emise.