Popular Bible Verses from Eksodusi 6

Share

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Mosi i lo wula lezo ka vanana va ka Israeli; kanilezi a va mu ingisangi hi kota ya kuxaniseka kabye ni wukhumbi gabye.

Jehova aku ka Mosi: Makunu u ta zi wona lezi nzi ta nga maha ka Faro; hakuva hi kota ya canja ga mina ga ntamu, yena i ta va tsika va famba; hi canja ga mina ga ntamu, yena i ta va hlongola tikweni gakwe.