Eksodusi 6
6
1Jehova aku ka Mosi: Makunu u ta zi wona lezi nzi ta nga maha ka Faro; hakuva hi kota ya canja ga mina ga ntamu, yena i ta va tsika va famba; hi canja ga mina ga ntamu, yena i ta va hlongola tikweni gakwe.
2Nungungulu i lo engeta a wulawula ka Mosi aku: Hi mina Jehova.
3Nzi ti wonekelisile ka Abrahama, ni ka Isaka, ni ka Jakobe, na nzi hi Nungungulu wa Ntamu-wontlhe, kanilezi a vito ga mina ga Jehova gi wa nga tiveki ka vona.
4Mina nzi yimisile a xivumelwano xa mina zinwe na vona xa kuva nzi va nyika a tiko ga Kanani, a tiko legi va nga wa luvele ka gona.
5Nzi zwile kurila ka vanana va ka Israeli, hi wukhumbi legi a vaGipite va mahako; makunu nzi alakanyile a xivumelwano xa mina.
6Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.
7Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;
8nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5
9Mosi i lo wula lezo ka vanana va ka Israeli; kanilezi a va mu ingisangi hi kota ya kuxaniseka kabye ni wukhumbi gabye.
10Zonake Jehova i lo wulawula ka Mosi aku:
11Famba uya byela Faro, a hosi ya Gipite, a tsika a vanana va ka Israeli va huma tikweni gakwe.
12Mosi i lo wulawula mahlweni ka Jehova aku: Languta, a vanana va ka Israeli a va rizi ingisangi; Faro i ta nzi ingisa hikuyini, lezi nzi nga ni Xirimiti ke?
13Jehova i lo wulawula kambe ka Mosi na Aroni, a va ruma a kuya ka vanana va ka Israeli, ni ka Faro, a hosi ya Gipite, a va leletela kuya byela Faro a humesa a vanana va ka Israeli lomu tikweni ga Gipite.
A mavito ya vadadaniya Mosi na Aroni.
14Lava hi tihloko ta tiyindlu ta vararu vabye: A vana va Rubeni, a matewula ya Israeli: Hanoki, na Palu, na Hezroni, na Karmi. Lava hi mingango ya ka Rubeni.
15A vana va Simoni: Jemueli, na Jamina, na Ohade, na Jakima, na Zohate, na Xaule, a nʼwana wa wasati wa muKanani. Leyi hi mingango y ka Simoni.
16A mavito ya vana va ka Levi hi mingango yabye hi laya: Gerxoni, na Kohate, na Merari. A malembe ya wutomi ga Levi ma wa hi 137.
17A vana va Gerxoni: Libni, na Ximei, hi mingango yabye.
18A vana va Kohate: Amrama, na Izhare, na Hebroni, na Uzieli. A malembe ya wutomi ga Kohate ma wa hi 133.
19A vana va Merari: Mahati, na Muxi; leyi hi mingango ya ka Levi hi tiyindlu tabye.
20Amrama i lo teka Jokebede a hahani wakwe, a mu pswalela Aroni na Mosi. A malembe ya wutomi ga Amrama ma wa hi 137.
21A vana va Izhare: Kora, na Nefegi, na Zikri;
22A vana va Uzieli: Mixaeli, na Elzafani, na Sitri.
23Aroni i lo teka Elixeba, nʼwana Aminadaba, a makabye wa Naxoni, a beleka naye Nadaba, na Abihu, na Eliazari, na Itamari.
24A vana va Kora: Asira, na Elkana, na Abiasafa. Leyi hi mingango ya ka Kora.
25Eliazari, a nʼwana Aroni, i lo teka a munwe wa vana va Putieli, a beleka naye Finiasi. Leti hi tihloko ta vararu va ka Levi hi mingango yabye.
26Aroni na Mosi hi lava Jehova a ngaku ka vona: Humesani a vanana va ka Israeli lomu Gipite hi zidlemo zabye. Miti. 7:36
27Hi vona va nga wulawula na Faro, a hosi ya Gipite, lezaku a humesa a vanana va ka Israeli lomu Gipite. Hi yena Mosi na Aroni.
28Lego siku Jehova a nga wulawula ka Mosi le tikweni ga Gipite, aku ngalo:
29Hi mina Jehova. Byela Faro, a hosi ya Gipite, zontlhe lezi nzi ku byelako.
30Kanilezi Mosi aku ka Jehova: Nzi munhu wa xirimiti; Faro i ta nzi ingisisa kuyini?
Currently Selected:
Eksodusi 6: TSC72
Highlight
Share
Compare
Copy
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
