Popular Bible Verses from KELUARAN 10

Share

MANETUALAIN nafa'da Musa nae, “Muu leo manek-ka muu. Au tao-an no manapaletan-nala lalanga batu so, fo ela Au hapu tao manada'di beuk-kala, nai sila tala'da heon, ma, fo ela o hapu tui o upu-anam tao leo beek, de Au tao akamiminak leoina Masir-rala nenik manada'di beuk sila-la. Boema emi basa-basam-mala bubuluk, mae Au nde MANETUALAIN.”

MANETUALAIN nafa'da Musa nae: “So'uk o limam-ma leo lain neu leona, soona neukose makiu makahatuk-ka potin-na dae Masir-ra.” Musa so'uk liman-na leo lain neu, de nai faik telu dalen-na, makiu-makahatuk-ka poti-na dae Masir-ra lala'en-na. Hataholi Masir-ra, ta hapu lita hata-hata fa, de nai fai ka teluk sila-la dalek, ta hapu hataholi esa boen, neu leo su'di bee neu fa. Tehu, nai hataholi Israel-la uman-nala soona, mangale'dok nahele.

Boema, Musa so'uk aitete'en-na, de MANETUALAIN fe ani timu-a da'di nai nusak ndia, lele'do katemak esa ma le'odae katemak esa. Lolebalahaak boema, anin ndia fuu neni lamak makadotok nanseli, nalosa henu la'iesak nusak-ka. Beita hapu hataholi nita lamak de'u-de'u basa ndia fa, ma basa ndia boema, manada'di leondiak-ka ana ta da'di seluk so'on.