Popular Bible Verses from KEJADIAN 28

Share

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

Ma Amak-ka napadeik nai boboan-na de nafa'da nae, “Au nde MANETUALAIN, fo Abraham ma Isak sene-do'ok-ka. Neukose, Au fe o ma o tititi-nonosim, dae fo o mangape'uk nai lain ia.

Boema, Yakob fo'a neme susungun-na mai, de nafa'dan nae, “MANETUALAIN nai ia, fo nai mamanak ia, tehu besak-ka besak ia, au bubuluk-kana!”

Boema Yakob soo nae, “Metema, MANETUALAIN tulu-fali, ma nasulu-nahapa au, nai leleo-lala'ok ia dalek, ma Ana fe au nana'a ma bua papakek, nalosa au fali leo au amang uman no so'da-molek soona, neukose Amak-ka da'di au MANETUALAIN. Ma neukose, au fe Amak-ka baba'ek esa neme baba'ek sanahulu mai, neme basa hata lala'en fo Amak-ka fen neu au. Batu nasanene'dak fo au apadedeik-kana ia, neukose ana da'di mamana sene-do'ok ba'eneu Amak-ka.”

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

Ana foi mamanak ndia na'de Betel. (Makahulun-na, na'de Lus).