Popular Bible Verses from KEJADIAN 45

Share

Boso bii do masasale dale, hu kande emi mase'oheni au so. Tunga ndoon-na, Manetualain mesak-kana nde nakahuluk noo au leo ia mai neme emi mai, soaneu soi-tefa hataholi ba'u.

Da'di, tunga ndoon-na, ta hu kande emi, de au losa ia fa, tehu Manetualain dei. Ndia nde fe au da'di hataholi mana'a ngga'di mademaina neu mane Masir-ra so. Ana fe au koasa basa uma loon oe-isin, ma basa Masir lala'en-na.

Manetualain noo au, nakahuluk neme emi mai, fo soi-tefa emi nenik enok fo dodoo doak-kana ia, ma soaneu nanea emi so'dam-ma, ma emi tititi-nonosim manamaik-kala.

Boema Yusuf nafa'das nae, “Mai leo ia mai.” Leu deka loon boema, nafa'da seluk nae, Au Yusuf, emi tolanoom fo emi mase'ohenin leo Masir neu-a.

Besak ia, besak-ka teuk la'andoes ka dua, de nai teuk lima seluk dalen-na, neukose hataholi-a ta foi-fala do ketu-kolu fa.

Yusuf nafa'da tolanoon-nala nae, “Au ia, Yusuf. Ama bei maso'dak do?” Tolanoon-nala lita ndia boema, ala bii lanseli, nalosa ala ta hapu lataa fa.