Popular Bible Verses from YAYA 11

Share

Yoge mbareegi, at Yetut nen, ”Aakumi ineenik agago mippiige minggirak an aret me, kit ambi nen kiniki noba panggombunuk, abet nombakwi kiinok, kambumonggotak kwe, kineenik a'nuk, mi'narumunggup o. Ndi, it aap ineenik logonet, iniki noba panggombunuk, abet nombakwi iinok, kambugun mondok lek o. Wone yi nogo abet mbaken a, lek a?”

Yoge mbareegi, Yetut nen, ”Kat kiniki noba panggombunuk, abet nombake keenok, Ala endage abu tiyanak logonet, eeke menggerak kaamunggun o, yokkigirak nogo lek a?”

Yogo mbareegwa, at Yetut le yereegerak.

Nappiyareegwaarak nogo, nogo nogogwaarik, yogo mbareegwa, Yetut konengge nagagirik, yorage logonet, ”At Latarut andi eekerak nogo ti, kambuurak nduk eekerak lek o. Ata, an Ala aput ambi eeke neenok tiyappanumenggaarak paga Ala kunduk tiyanak kin kaawak nduk eekerak o,” yinuk, yoragagerak.

Yoge nagagirik, at oone nggwok paga, ”Latarut wae! Wundi mok o.” Yoge mbareegi, at kambeegerak nogo wundi wage logonet, at eenggi-iyok nggerenak, ndi, yum etenggen-ogobak pirik-perek eerak wundi wagagerak. Wundi wage mbareegi, at Yetut nen, ”Nege logowak nduk, yum perenak ti piinggaanip o,” yinuk, yoragagerak.

Yogo mbareegwa, Yetut ne ambinom iniki aagi wo agan lagangge mbareegi, eebe nugege kagak, kangge mbareegi, pereegwam nogome aret nagagerak. Kangge mbareegi, pereegwam nogo ti, ndoome yugum tu narak aret wonage me

Ti yorage nagagirik, wone ambi yorage logonet, ”Ninoreeluk Latarut nogo yege me, an eenik eeppi naakit o.”