Popular Bible Verses from MARAKUT 13

Share

Kit an noone waganeegutak nogo paga it abok aret ineebi kinombarugun kwe, kiniki kwi'ndak nu'lek eeppunuk logomonggotak kenok, o age yobok kuli paga nen kinagap ndarigin o,” yoragagerak.

Yorage nagagirik, ”Ndi eyom woroorak kineenggo'lek aret me, kiniki liippunuk logonet, tum wako logonip o.

Ndi, kineegwa'me woorak nduk kineebe wokkiren nogwe iinok, Wone ngge yoraamun? yinuk, kiniki piirik eerugup o. Kit kiniki koombunuk, yoroorak lek o. O ti eyom paga aret at Aberiniki nen kiniki nggaganogo yokkirage kagak yoroorak o.

Mbogut inom, nggween inom ti, lek arigin aret kwe, an noone ti perak, lek arigin lek mondok aret logogin o,” yoragagerak.

Yorage nagagirik, ”An aap aret nda'nagagirak nogo, o ndi eyom paga woroorak inom, oonegen ndi paga woroorak inom, nogo aakumi abu ineenggo'lek aret o. It mbogut paga yonggo nugu menggaarak melaikat kunduk ineenggo'lek aret. Ndi, an Ala aput kunduk neenggo'lek aret o. An nogoba perak, alik mban eenu menggerak o,” yoragagerak.

Wim nggaganggwi, nambukwi, abok kinaruk konenumonggotak kwe, kiniki lek arugup o. Ti arit woramenggerak kwe, age yobok ari wage logonet, eeke mbarugup o.

at awi unde nogo kiyoma nggwe woraagin ilik, nogo iniki paga woraagin a? Towe oone ari kagak woraagin ilik, liingge woraagin a? Ndi eyom paga woraagin kineenggo'lek me, kinaket paga logonet, kiniki tum wako logonip o. Abera'lek me wage logominggirik, kit ugun nogo yugwi enegen kiige kero, kinaket paga logonet, tum wako logonip o, yinuk, yokkiragarak nogo kwak, kit aakumi abok aret yokkirage agarik o,” yinuk, yoragagerak.

Aakumi inanebunu lombok ndegek wim nambukwi, o yi awi ndi awi abok lambumbunuk, wim nggwok nambukwi, yi awi ndi awi nuk ari, mbi noogalo age, ti eerigin ti, we kumi elege enegen paganak yagan wako mengga kwak, kinoba aaninggin-paaninggin eeppinagage kaamunggup o.

Peebi age yobok paga eeriyak awo kagak, aa'nduk nen wone obeelom wone yi aakumi ndi aakumi yoranet nugu logomunggup o.

It aakumi ambik aret an nendaga kunit wogo logonet, Keritut nogo an aret o, yinuk, it aakumi ambik iniki nomoninabugun o.

Wone amburu mbangga inowagam pikkiret nogwe, it Yakuri tamban eeko menggam nen yawi lambu agago kinookwi, an noone waganeegutak paga it aap yo'nggok inom, aap inendagembogut inom, inowagam wokkiren pinagi nagun me, kiniki tum wakkologo logonu o.

It ando pilit wone yokkirogo logonet, Keritut nogo an aret o. Ala wone yokkirogo nogogwaarak nabi mendek nogo ti, an aret o, yinuk, agan wogo logomenggaarik, it aakumi Ala apuri miirogo leeninabeegerak nogo nomoninaburak op kaamun ilik? yinuk, nomoninabuwok nduk inagabiti warak mendek inom, eerubok mendek inom, eekwi iigak aret kwe

Yorage nagagirik, ”Ti eyom paga aaninggin-paaninggin eeppinagago mbarumengga, oonegen apit age, tut abinak lek age, laaluguragan mbogut paga nen ngginu-ngginu nggween paga wambit wage, it mbogut paga oolo yime inomaawi menggaarak nogo inaganak nuk irage, eerigin.