Popular Bible Verses from MARAKUT 9

Share

Yoge mbareegi, at Yetut nogo nen, ”Kat eeke menggendak yo'negendak ti, aakumi abet mbakwi mendek nen ambi mendek eeriyak kenok, lek arigin lek o. Mondok arigin aret o,” yoreegerak.

Yoge mbareegi, wulaga ogoba nogo nen, ”Niniki abet mbake kwe, ambinom abet mbarikit nduk eeppanu o,” yinuk, oone nggwok togon aret yoreegerak.

Mi'nage mbareegi, at Yetut oome unggwagagerak wonage me, at oone waganggwi inom inalik logonet, ”Nit nonggop nduk kugi ti nggiginogo wumbuurak meek ee'ninake agaarik mbaken?” Yogo mbareegwa, at nogo nen, ”Kugi togop ti mendek ti, we alik ambi paga eeriyak lek o. Ata, inake tamban eekwi paga mban nggiginogo wumbiigo menggaarak o,” yoragagerak.

Mayu obeelom aret kwe, andi lek wurik kenok, nonggop togon eerogo andi warak eeriyak o? Kit mayu andi warak pogom aakumi inenggela'me logonet, kinom lambunik aret logonip o,” yinuk, yoragagerak.

”At elege yi waganggwi pogom an nendage kunogo togop aret waganggwi kiinok ti, an aret wo'nakwi o. Ndi, an mban wo'nakwi lek o. Ata, an nappani wagagerak Ala nogo inom aret waganggwi o,” yoragagerak.

It aakumi nen, Keritut apuri aret o, yinuk, niyo tookkirogwe iinok ti, onggo kolaamunggup lek ti lek o Kolaamunggup aret o, yinuk, abet aret yokkiragi o,” yoragagerak.

Yorage nagagirik, ”It aakumi nen elege-aabologwe iniki noba panggombunuk abet nombako menggaarak yi, maluk eeruwak nduk inikime manabi wagaatak paga maluk eekwi iinok, yugum nggwok paga inenggaanok keele yilinogo yi yenggenak me mbo mambiyanetak en op o.

Kinigen paga maluk eeriyak eekkinake kenok, peenok kilirogo pinip o. Kinigen peenok imbirak wonage kagak, kani moonuk wunuk mban ari minggim time mbo nappinagarak ti meek o. Ndi, kilirogo punuk, peenok paga mban at Ala abu'me unggwi noorak perak, op o.