Popular Bible Verses from Luke 12

Share

Shalayi balongame nuenu kabidi, bualu Muana wa muntu neafike pa diba dinudi kanuyi bela meji.

Kebayi nangananga Bukalenga bua Mvidi Mukulu. Nanku Yeye neanupeshe bikuabu abi.

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Bualu misangu yonsu muoyi wenu udi muaba unudi nuteka bubanji buenu.

Nganyi wa kunudi, nansha yeye mutate bishi, udi mua kusakidila nansha dituku dimue ku matuku ende a panu?

Pashishe Yezu kuambila balongi bende ne: — Ke pandi nnuambila ne: kanutatshi bua biakudia binudi nabi dijinga, nansha bua bivualu bidi mubidi wenu ukengela.

Nansha nsuki yenu yonsu mbayibadike. Nanku kanutshinyi! Nudi bapite tshisumbu tshia nyunyi ya mishamisha ku mushinga.”

— Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Tentekelayi nyunyi ya bikololu. Kayena ikuna maminu, kayena inowa. Kayena ne mayeba, nansha muaba mukuabu wa kulamina biakudia. Kadi Mvidi Mukulu udi uyidisha. Nuenu nudi bapite nyunyi ku mushinga bikole!

Kanupampakanyi. Kanutatshi amu bua biakudia, nansha bua biakunua.

Kadi pikala Mvidi Mukulu uvuadika nanku bisosa bidi lelu mu mpata, butshia babiosha, mudiye kayi mua kunuvuadika mmunyi? Nudi ne ditaba dikese be!

Bualu buonsu budi busokome, nebumueneke patoke. Bualu budi bantu kabayi bamanye, nebabumanye!