Popular Bible Verses from Luke 11

Share

Nanku nuenu bantu babi, nudi bamanye mua kupesha bana benu bintu bia nsongu. Mudi Tatu wa mu diulu mua kubenga kupesha bantu Mueyelu wa Tshijila udibu balomba mbishi?

Nanku meme ndi nnuambila ne: lombayi, nenupete; kebayi, nenumone; kokolayi ku tshiibi, nebanunzuluile.

Bualu muntu yonsu udi ulomba tshintu, udi utshipeta. Udi ukeba, udi umona. Udi ukokola ku tshiibi, badi bamunzuluila.

Ke Yezu kubambila ne: — Panudi nutendelela, nuambe ne: “Tatu, bantu bonsu batumbishe dina diebe dia tshijila. Bukalenga buebe bufike.

Utulekele bilema bietu, mutudi balekele bonsu bavua batuenzela bibi. Kuanyishi bua batutete, tukuvile.”

Utupe ku dituku ku dituku tshiakudia tshitudi tukengela.

Mesu ebe adi bu muendu wa mubidi webe. Padi mesu ebe amona bimpe, mubidi webe mujima udi patoke. Kadi pikala mesu ebe kaayi amona bimpe, mubidi webe udi mu miidima.

— Kabena batemesha muendu bua kuusokoka nansha kuubuikila muinshi mua kapanza. Kadi badi bauteka pa tshitekelu tshiawu, bua ukenkeshe bonsu badi babuela mu nzubu.