Popular Bible Verses from Luke 17

Share

Ke Yezu kumuamba ne: — Juka, uye; ditaba diebe ndikupandishe!

Nansha yeye mukuenzele bibi misangu muanda mutekete ku dituku, upingana kuudi, ukuambila ne: “Ndi nnyingalala bua bindi mukuenzele,” wamumvuila amu luse.

Umue wa kudibu umona ne: disama dianyi ndijike, kupinganaye kudi Yezu, wenda utumbisha Mvidi Mukulu ne diyi dikole. Kudielaye mpala panshi ku makasa a Yezu, umuela tuasakidila. Muntu awu uvua muena Samariya.

Nuadimukayi! Pikala muanenu wa balume mubunde tshibawu, umubele bimpe. Pikalaye munyingalale bua tshilema tshivuaye muenze, umumvuile luse.

Ke Yezu kuamba ne: — Disama dia bonsu dikumi ki ndijike anyi? Kadi bakuabu tshitema badi penyi?

Mfumu kuandamuna ne: — Bu nuenu ne ditaba bunene bua lutete lua lusanga, nuvua mua kuambila mutshi wa sikomore wawa ne: “Juka apa, umene mu mayi manene.” Nanku mutshi newitabe mu diyi dienu.

Muntu udi musue kusungidila muoyi wende, neaujimije. Kadi wajimija muoyi wende, neausungidile.

Yezu kuambila balongi bende ne: — Matuku onsu nekuikale malu adi akoka bantu bua kuenzabu bibi. Kadi muntu udi wenzeja bantu malu mabi aa mmuena diakabi! Muntu wa nanku mbimpe bamusuike dibue dinene dia kupela nadi mu nshingu, bamuele mu mayi manene, bua kafikishi nansha umue wa ku bakese aba ku dienza bibi.

Bivua bienzeka mu tshikondu tshia Nowa, nebienzeke mu tshikondu tshidi Muana wa muntu ufika. Bantu bavua badia, banua, baselangana, ne ku diba divua Nowa mubuele mu buatu. Ke mvula wa tshipupu kuloka, kubabutula bonsu.