Popular Bible Verses from Ruka 4

Share

“Ga Gbia Toro ti re, bambiko ko auka nzeme ku ri re mi tungusi wene pangbanga fu rungorungo aboro. Ko akedi re mi gumba pa kusa kisikisi aboro fu kina yo, na pa hahasa bangiri airavurari, ka kusa agu aboro du ni rungosi-rungosi yo, ki nitungusi pa garã ga Gbia inapai.”

Yesu ki karaga ha ki ya fu ko, “Si ni keke he ya, Mo ‘Mo írisi Gbia nga gamo Mbori, mo ra fu kina ko sa.’ ”

Yesu Ki karaga ha fu ko ki ya, “Si ni keke he ya, ‘Boro anye nga ni ungani mbiko kina riahe te.’ ”

Yesu ki ta hi be Ziazia Toro, nikaraga tiko Yaradene yo, Ziazia Toro ki ngbe mbata yo fu ko ku ngbakungba yo

Yesu ki ta karaga ha niya fu ko, “I agumba ha ya, ‘Ka mo ásadi nga Gbia nga gamo Mbori ya.’ ”

Ho bakitingbanga anyasi asadapai ni dunduko ko ki guari pati ko tipa toni rago.

Bakitingbanga ki ngbe mbata yo fu ko ku ri gbanga bagangara ki yugu angbi zegino dunduko fu ko ni ba sa. Bakitingbanga ki ya fu ko, “Mi afú gi tandu foro dunduko re na gaha taarimo; bambiko i afu he ku bere; mi ki fu he fu gu ni idi mi ka fu he fu ni. Ka mo irisi re tie, si du adu ni gamo dunduko.” Yesu ki karaga ha ki ya fu ko, “Si ni keke he ya, Mo ‘Mo írisi Gbia nga gamo Mbori, mo ra fu kina ko sa.’ ”

Ko ki ngbe mbata yo fu ko ku Yerusarema yo, ki moi ko ti ngbahõ yekaru, ki ya fu ko, “Si ngia Wiri Mbori nga mo, mo gíta ku sende; bambiko si ni keke he ya, ‘Ko arúga gako amaraika tipa ro, i banda ro,’ I asóngoda ro ni beyo, ‘mo ka fo nduro ti mbia.’ ” Yesu ki ta karaga ha niya fu ko, “I agumba ha ya, ‘Ka mo ásadi nga Gbia nga gamo Mbori ya.’ ”