Popular Bible Verses from Omochakano 49

Share

Enyimbo y’obogaambi tekorua o Yuda, gose omobeeki amachiiko ase ororeeria rwaye, goika achiche oyo orabogorie obogaambi, oyo abanto b’ebisaku bionsi baraigwere.

“Yusufu nomote omorere okwama ang’e nensoko; chinsagia chiaye nigo chikoranda enyasi igoro. Abaruti emegwe bakomoimokera ase okomogwera n’bororo, bakomoruta emegwe na komoorosia

korende obota bwaye tibogosukigwa. Amaboko aye nigo are ne chinguru, naende namaango, goetera ase amaboko ’Omonyene Chinguru o Yakobo, oyore Omorisia na Egetare gia Israeli. Nyasae o iso, nere oragokonye, Nyasae Omobui, nere oragosesenie nogosesenigwa gokorwa igoro, na ogosesenigwa gokorwa chindiba inse, na ogosesenigwa gokorwa inda na ase chimbeere.

“Aye Yuda, abamino inabagotogie; okoboko kwao inakobwate ebigoti biababisa bao; abamura ba iso ng’a batugame bosio bwao na amasikani. Yuda, aye nendo ensae. Omwana one, gokorwa gotwara, nigo oratiire, na korara, na gotimoka buna endo, buna endo eaberi, ning’o orabe noboremu kogotura?

“Rubeni, aye nomwana one omotangi, aye nokobua kwane, na ogotongora gwe chinguru chiane. Noetanetie abamino ase okobua, nobaetanetie ase chinguru. Aye nkwaberete buna amaache; korende togoetania abande, ekiagera nkwarinete borere bwa iso, okabosaria, ase igo okarenta obosooku.