Popular Bible Verses from GŨCOKERITHIA MAATHANI 6

Share

nawe enda Jehova Ngai waku na ngoro yaku yothe, na muoyo waku wothe, o na hinya waku wothe.

na ũmarute ciana ciaku na kĩyo, na waragie ũhoro wamo hĩndĩ ĩrĩa ũikarĩte nyũmba yaku thĩinĩ, na hĩndĩ ĩrĩa ũgũthiĩ na njĩra, na hĩndĩ ĩrĩa ũkomete, o na rĩrĩa ũũkĩrĩte.

Namo mohoro maya ndĩrakũhe ũmũthĩ ngĩgũtaara-rĩ, reka matũũre ngoro-inĩ yaku

Atĩrĩrĩ! Wee Isiraeli, thikĩrĩria; Jehova Ngai witũ, we wiki nowe Jehova

Na ũmohagĩrĩre guoko gwaku nĩguo matuĩkage kĩmenyithia marĩ ho, o na ũmekagĩre thiithi waku nĩguo matuĩkage kĩririkania gĩĩkĩrĩtwo gatagatĩ-inĩ ka maitho maku.

Ningĩ ũmaandĩke hingĩro-inĩ cia nyũmba yaku, o na ihingo-inĩ ciaku.

Ndũrĩ hingo ũtagagĩĩtigagĩra Jehova Ngai waku, na ũmũtungatagĩre, na rĩrĩa ũkwĩhĩta, ũgwetage rĩĩtwa rĩake.

Na nĩgũgakinya atĩrĩ, atĩ hĩndĩ ĩrĩa Jehova Ngai waku agagũtwara agũtonyie bũrũri ũcio erĩire mathoguo, Iburahimu, na Isaaka, na Jakubu, na mwĩhĩtwa, atĩ nĩagakũhe, na ũgĩe na matũũra manene mega mũno, marĩa ũtaakĩte wee mwene; o na nyũmba ciiyũrĩte indo nyingĩ njega mũno, na tiwe mwene ũiyũrĩtie; o na marima ma maĩ, na tiwe mwene ũmenjete; o na mĩgũnda ya mĩthabibu na mĩtamaiyũ ĩrĩa ũtaahandire wee mwene, nawe ũrĩage ũkahũna-rĩ, nĩũgakĩĩmenyagĩrĩra ndũkariganĩrũo nĩ Jehova, ũrĩa wakũrutire bũrũri wa Misiri, uume nyũmba ya ũkombo.

Na rĩrĩ, maya nĩmo maathani, na irĩra cia watho wa kũrũmĩrĩrũo, o na matuĩro ma cira, marĩa Jehova Ngai wanyu aathanĩte mũrutagwo, nĩ getha mũkamekaga mwĩ bũrũri ũcio mũkũringa mũthiĩ mũkawĩgwatĩre ũtuĩke wanyu; nĩguo ũgetigagĩra Jehova Ngai waku, ũmenyagĩrĩre irĩra ciothe cia watho wake wa kũrũmĩrĩrũo, na maathani make marĩa ngũgwatha wĩkage, wee mwene, na mũrũguo, o na mwana wa mũrũguo, matukũ mothe ma muoyo waku; na nĩguo matukũ maku makaingĩhio.

Nawe wĩkage maũndũ marĩa Jehova onaga maagĩrĩire, na marĩa mega, nĩ getha ũtũũre wonaga wega, nĩguo ũhote gũthiĩ ũtonye bũrũri ũcio mwega, ũwĩgwatĩre ũtuĩke waku, o bũrũri ũcio Jehova erĩire mathoguo na mwĩhĩtwa, atĩ

nĩ gũkorũo Jehova Ngai waku, ũrĩa ũrĩ thĩinĩ wanyu, nĩ Ngai wĩ ũiru; tigagai gwĩka ũguo nĩ getha marakara ma Jehova Ngai waku matikae gũgũũkĩrĩra magũcine, nake akũnine biũ, akweherie gũkũ thĩ guothe.

Na mũtikanarũmĩrĩre ngai ingĩ thĩinĩ wa ngai cia andũ arĩa mamũrigicĩirie

Mũtikanagerie Jehova Ngai wanyu, ta ũrĩa mwamũgereirie kũu Masa.