Popular Bible Verses from GŨCOKERITHIA MAATHANI 5

Share

Tĩa thoguo na nyũkwa, o ta ũrĩa Jehova Ngai waku aagwathire wĩkage; nĩguo matukũ maku maingĩhe, na nĩ getha wonage wega, ũrĩ bũrũri ũrĩa ũheetwo nĩ Jehova Ngai waku.

Thiagai na mĩthiĩre ĩrĩa yothe Jehova Ngai wanyu amwathĩte mũthiage nayo, nĩ getha mũtũũre muoyo, na mũtũũre muonaga wega, na nĩguo mũtũme matukũ marĩa mũgũtũũra maingĩhe mwĩ bũrũri ũcio ũgũtuĩka wanyu.

ndũkanaciinamĩrĩre kana ũcitungatĩre; nĩ gũkorũo niĩ Jehova Ngai waku ndĩ Ngai wĩ ũiru, ngakinyĩria ciana waganu wa maithe, nginya rũciaro rũa gatatũ na rũa kana rũa andũ arĩa ma’thũire; na ngaiguĩra andũ ngiri na ngiri tha, o arĩa manyendete na makaigua maathani makwa.

Ndũkanethondekere mũhianano mwacũhie, wa mũhianĩre wa kĩndũ o gĩothe gĩĩ kũrĩa igũrũ, kana wa kĩndũ gĩĩ gũkũ thĩ, kana wa kĩndũ kĩĩ maĩ-inĩ marĩa me mũhuro wa thĩ

Ndũkanagĩe na ngai ingĩ tiga niĩ.

Ndũkanagwete rĩĩtwa rĩa Jehova Ngai waku na itherũ, nĩ gũkorũo Jehova ndakoiga atĩ mũndũ ndehĩtie ũrĩa ũgwetaga rĩĩtwa rĩake na itherũ.

Na arĩ korũo thĩinĩ wao kwagĩa ngoro ya mũthemba ta ũcio wa gũtũma meĩndigagĩre, na matũũre marũmĩtie maathani makwa mothe hĩndĩ ciothe, nĩguo matũũre monaga wega, o ene, na ciana ciao, tene na tene!

Menyagĩrĩra mũthenya wa thabatũ ũwamũrage, o ta ũrĩa Jehova Ngai waku aagwathire.

O na kana ũcumĩkĩre mũka wa mũndũ ũrĩa ũngĩ; kana ũcumĩkĩre nyũmba ya mũndũ ũrĩa ũngĩ, kana gĩthaka gĩake, kana ndungata yake ya mũndũ mũrũme, kana ya mũndũ-wa-nja, kana ndegwa yake, kana ndigiri yake, kana kĩndũ o na kĩ kĩa mũndũ ũrĩa ũngĩ.

O na kana ũtharanie.

O na kana ũigĩrĩre mũndũ ũrĩa ũngĩ kĩgenyo.

Ndũkanoragane.

O na kana ũiye.

Na ũririkanage atĩ o nawe warĩ ngombo bũrũri wa Misiri, nake Jehova Ngai waku agĩkũruta kuo na ũndũ wa gwĩka maũndũ na njara ĩrĩ hinya, o na guoko gũtambũrũkĩtio; tondũ ũcio Jehova Ngai waku agwathĩte atĩ ũmenyagĩrĩre mũthenya ũcio wa thabatũ ũwamũrage.

Rutaga wĩra mĩthenya ĩtandatũ, ũgeka maũndũ maku mothe; no mũthenyu wa mũgwanja nĩ thabatũ ya Jehova Ngai waku; mũthenya ũcio ndũkanarute wĩra o na ũrĩkũ, wee mwene, kana mũrũguo, kana mwarĩguo, kana ndungata yaku ya mũndũ mũrũme, kana ya mũndũ-wa-nja, kana ndegwa yaku, kana ndigiri yaku, kana nyamũ o na ĩrĩkũ ya ũhiũ waku, kana mũgeni ũrĩa wĩ gwaku mũciĩ; nĩ getha ndungata yaku ya mũndũ mũrũme, o na ya mũndũ-wa-nja, o nacio ihurũkage o tawe.

Niĩ nĩ niĩ Jehova Ngai waku, ũrĩa wakũrutire bũrũri wa Misiri, nyũmba-inĩ ya ũkombo.