GŨCOKERITHIA MAATHANI 5
5
1NAKE Musa agĩgĩĩta Aisiraeli othe, akĩmera atĩrĩ, Inyuĩ Aisiraeli aya, ta thikĩrĩriai mũigue irĩra cia watho wa kũrũmĩrĩrũo o na matuĩro ma cira, marĩa ngũmũhe ũhoro wamo mũkĩĩiguagĩra na matũ manyu ũmũthĩ, nĩguo mũmerute, na mũmamenyagĩrĩre nĩguo mũmekage. 2Jehova Ngai witũ nĩaarĩkanĩire na ithuĩ o kũu Horebu. 3Nakĩo kĩrĩkanĩro kĩu Jehova ndaarĩkanĩire na maithe maitũ ma tene; no rĩrĩ, aarĩkanĩire na ithuĩ ithuothe, o ithuĩ arĩa twĩ muoyo gũkũ ũmũthĩ. 4Jehova aaririe na inyuĩ mũroranĩtie mothiũ kĩrĩma-inĩ, e mwaki-inĩ thĩinĩ, 5(niĩ na niĩ, hĩndĩ ĩo, ngĩrũgama gatagatĩ-inĩ ka Jehova na inyuĩ, nĩguo ndĩmũmenyithie ndeto cia Jehova; nĩ gũkorũo nĩmwetigagĩra nĩ ũndũ wa mwaki ũcio, ningĩ mũtiigana kwambata kĩrĩma-inĩ;) nake akĩmwĩra atĩrĩ,
6Niĩ nĩ niĩ Jehova Ngai waku, ũrĩa wakũrutire bũrũri wa Misiri, nyũmba-inĩ ya ũkombo.
7Ndũkanagĩe na ngai ingĩ tiga niĩ.
8 #
Alaw 26.1; Gũcok 4.15-18; 27.15. Ndũkanethondekere mũhianano mwacũhie, wa mũhianĩre wa kĩndũ o gĩothe gĩĩ kũrĩa igũrũ, kana wa kĩndũ gĩĩ gũkũ thĩ, kana wa kĩndũ kĩĩ maĩ-inĩ marĩa me mũhuro wa thĩ; 9#Thama 34.6,7; Ndar 14.18; Gũcok 7.9,10.ndũkanaciinamĩrĩre kana ũcitungatĩre; nĩ gũkorũo niĩ Jehova Ngai waku ndĩ Ngai wĩ ũiru, ngakinyĩria ciana waganu wa maithe, nginya rũciaro rũa gatatũ na rũa kana rũa andũ arĩa ma’thũire; 10na ngaiguĩra andũ ngiri na ngiri tha, o arĩa manyendete na makaigua maathani makwa.
11 #
Alaw 19.12. Ndũkanagwete rĩĩtwa rĩa Jehova Ngai waku na itherũ, nĩ gũkorũo Jehova ndakoiga atĩ mũndũ ndehĩtie ũrĩa ũgwetaga rĩĩtwa rĩake na itherũ.
12 #
Thama 16.23-30; 31.12-14. Menyagĩrĩra mũthenya wa thabatũ ũwamũrage, o ta ũrĩa Jehova Ngai waku aagwathire. 13#Thama 23.12; 31.15; 34.21; 35.2; Alaw 23.3.Rutaga wĩra mĩthenya ĩtandatũ, ũgeka maũndũ maku mothe; 14no mũthenyu wa mũgwanja nĩ thabatũ ya Jehova Ngai waku; mũthenya ũcio ndũkanarute wĩra o na ũrĩkũ, wee mwene, kana mũrũguo, kana mwarĩguo, kana ndungata yaku ya mũndũ mũrũme, kana ya mũndũ-wa-nja, kana ndegwa yaku, kana ndigiri yaku, kana nyamũ o na ĩrĩkũ ya ũhiũ waku, kana mũgeni ũrĩa wĩ gwaku mũciĩ; nĩ getha ndungata yaku ya mũndũ mũrũme, o na ya mũndũ-wa-nja, o nacio ihurũkage o tawe. 15Na ũririkanage atĩ o nawe warĩ ngombo bũrũri wa Misiri, nake Jehova Ngai waku agĩkũruta kuo na ũndũ wa gwĩka maũndũ na njara ĩrĩ hinya, o na guoko gũtambũrũkĩtio; tondũ ũcio Jehova Ngai waku agwathĩte atĩ ũmenyagĩrĩre mũthenya ũcio wa thabatũ ũwamũrage.
16 #
Gũcok 27.16; Mat 15.4; 19.19; Mar 7.10; 10.19; Luk 18.20; Ef 6.2;
Ef 6.3. Tĩa thoguo na nyũkwa, o ta ũrĩa Jehova Ngai waku aagwathire wĩkage; nĩguo matukũ maku maingĩhe, na nĩ getha wonage wega, ũrĩ bũrũri ũrĩa ũheetwo nĩ Jehova Ngai waku.
17 #
Kĩam 9.6; Alaw 24.17; Mat 5.21; 19.18; Mar 10.19; Luk 18.20; Rom 13.9; Jak 2.11. Ndũkanoragane.
18 #
Alaw 20.10; Mat 5.27; 19.18; Mar 10.19; Luk 18.20; Rom 13.9; Jak 2.11. O na kana ũtharanie.
19 #
Alaw 19.11; Mat 19.18; Mar 10.19; Luk 18.20; Rom 13.9. O na kana ũiye.
20 #
Thama 23.1; Mat 19.18; Mar 10.19; Luk 18.20. O na kana ũigĩrĩre mũndũ ũrĩa ũngĩ kĩgenyo.
21 #
Rom 7.7; 13.9. O na kana ũcumĩkĩre mũka wa mũndũ ũrĩa ũngĩ; kana ũcumĩkĩre nyũmba ya mũndũ ũrĩa ũngĩ, kana gĩthaka gĩake, kana ndungata yake ya mũndũ mũrũme, kana ya mũndũ-wa-nja, kana ndegwa yake, kana ndigiri yake, kana kĩndũ o na kĩ kĩa mũndũ ũrĩa ũngĩ.
22 #
Ahib 12.18,19. Mohoro macio nĩmo Jehova aaririe akĩĩra ũũngano wanyu wothe kĩrĩma-inĩ kĩu arĩ mwaki-inĩ thĩinĩ, o na itu-inĩ, o na nduma-inĩ ndumanu mũno, aanĩrĩire na mũgambo mũnene mũno; na ndaigana gũcoka kũmongerera. Agĩkĩmaandĩka ihengere-inĩ igĩrĩ cia mahiga, akĩ’nengera. 23Na gũgĩkinya atĩrĩ, atĩ rĩrĩa mwaiguire mũgambo ũkiuma nduma-inĩ ĩo, o hĩndĩ ĩrĩa kĩrĩma gĩaakanaga mwaki, mũgĩokoka hakuhĩ na niĩ, anene othe a mĩhĩrĩga yanyu, o na athuri anyu; 24mũkiuga ũũ: Atĩrĩ, Jehova Ngai witũ nĩatuonetie riri wake o na ũnene wake, na nĩtũiguĩte mũgambo wake ũkiuma mwaki-inĩ thĩinĩ; ũmũthĩ nĩtweyonera atĩ Ngai nĩaaragia na mũndũ, na agatũũra muoyo. 25Na rĩrĩ, rĩu tũgũgĩcoka gũkua nĩ ũndũ kĩ? Tondũ mwaki ũyũ mũnene ũũ nĩũgũtũnina. Tũngĩgĩcoka kũigua mũgambo wa Jehova Ngai wiĩũ hĩndĩ ĩngĩ-rĩ, no tũkue. 26Nĩ ũndũ-rĩ, nĩ mũndũ ũrĩkũ thĩinĩ wa andũ othe ũrĩ waigua mũgambo wa Ngai ũrĩa wĩ muoyo ũkĩaria uumĩte mwaki-inĩ thĩinĩ, ta ũguo ithuĩ tũũiguĩte, na agatũũra muoyo? 27Thiathia hakuhĩ arĩ wee, ũigue maũndũ mothe marĩa Jehova Ngai witũ ekuuga; nawe ũcoke ũtwĩre maũndũ mothe marĩa Jehova Ngai witũ egũkwĩra; na ithuĩ nĩtũkũmaigua, na nĩtũrĩmekaga. 28Nake Jehova agĩkĩigua uuge wa ciugo icio cianyu, hĩndĩ ĩrĩa mwaaririe na niĩ; nake Jehova akĩnjĩra atĩrĩ, Nĩnjiguĩte uuge wa ciugo iria andũ aya moigĩte, o icio makwĩrĩte; na rĩrĩ, ndeto icio ciothe moigĩte-rĩ, nĩ njega. 29Na arĩ korũo thĩinĩ wao kwagĩa ngoro ya mũthemba ta ũcio wa gũtũma meĩndigagĩre, na matũũre marũmĩtie maathani makwa mothe hĩndĩ ciothe, nĩguo matũũre monaga wega, o ene, na ciana ciao, tene na tene! 30Thiĩ ũmere atĩrĩ, Cokai hema-inĩ cianyu. 31No rĩrĩ, ha ũhoro waku-rĩ, wee rũgama haha hakuhĩ na niĩ, njarie nawe ngũhe ũhoro wa maathani mothe, o na irĩra cia watho wa kũrũmĩrĩrũo, o na matuĩro ma cira, marĩa ũrĩmarutaga, nĩguo makamekaga me bũrũri ũrĩa ngũmahe makawĩgwatĩre ũtuĩke wao. 32Tondũ ũcio wĩmenyererei mũno, nĩguo mwĩkage maũndũ o ta ũrĩa Jehova Ngai wanyu amwathĩte; mũtikanagarũrũke na mwena wa ũrĩo, kana wa ũmotho. 33Thiagai na mĩthiĩre ĩrĩa yothe Jehova Ngai wanyu amwathĩte mũthiage nayo, nĩ getha mũtũũre muoyo, na mũtũũre muonaga wega, na nĩguo mũtũme matukũ marĩa mũgũtũũra maingĩhe mwĩ bũrũri ũcio ũgũtuĩka wanyu.
Currently Selected:
GŨCOKERITHIA MAATHANI 5: OGKBIBLE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019