Popular Bible Verses from LUKA 1

Share

Nĩ gũkorũo hatirĩ kiugo o na kĩmwe kiumĩte kwĩ Ngai gĩkaaga kũhinga.

Nake Mariamu akiuga atĩrĩ, Niĩ-rĩ, ndĩ ngombo ya Mwathani: ndĩroekwo o ta ũguo woiga. Nake mũraika agĩtigana nake, agĩthiĩ.

Nake mũraika akĩmũcokeria akĩmwĩra atĩrĩ, Roho Mũtheru nĩagoka kũrĩ wee, naguo hinya wa Ũrĩa-wĩ-Igũrũ-mũno nĩũgakũringithia kĩĩgunyĩ: na nĩ ũndũ wa ũhoro ũcio, karĩa gagaciarũo nĩgagatuwo gatheru, o Mũrũ wa Ngai.

Na gũkena-rĩ, nĩ ũcio wetĩkirie; nĩ gũkorũo maũndũ marĩa erirũo nĩ Mwathani nĩmakahingio.

Na atĩrĩrĩ, nĩũkagĩa ihu, ũciare kahĩĩ, nako nĩũgagatua Jesu. Nake nĩagatuĩka mũnene, ningĩ nĩagetagwo Mũrũ wa Ũrĩa-wĩ-Igũrũ-mũno: nake Mwathani Ngai nĩakamũhe gĩtĩ-gĩa-ũthamaki kĩrĩa gĩa ithe, Daudi; nake nĩagathamakagĩra nyũmba ya Jakubu mĩndĩ na mĩndĩ; naguo ũthamaki wake ndũgathira o na rĩ.

Nake mũraika akĩmwĩra atĩrĩ, Mariamu, tiga gwĩtigĩra; nĩ gũkorũo nĩũkinyĩirũo nĩ Wega wa Ngai.