Popular Bible Verses from TAUNET 26

Share

egu toondet eng’ emoni, ami koboten, ak aberurin; amu agonin inye, koboto lagoguk, emotinwechuto tugul, ak agimit kayosiet, ne kiayosiechi kwandang’ung’ Abraham

Ak abaroi iyoteng’ung’ ko u kecheik che bo kipsengwetisiek, ak agochini iyoteng’ung’ emotinwechu tugul; ak kiberuri bororiosiek tugul che bo ng’ony eng’ iyoteng’ung’; amu kigas it kutinnyu Abraham, ak kinam kotigonutikyuk, ak karureiywekyuk, ak etanutikyuk, ak ng’atutikyuk.

Ak kiu eng’ oloto, yeityo kwo kobal keringet age; ak kima boriechi noto: ak kiguure noto Rehobot: ak kile, Kagobaroiywech Jehovah emet nguno, si keichi emonito.

Ak kimong’ji Jehovah inendet, ak kolenji, Amerekte iwe Misri; tebe emet ne ta aborun

Ak kiteech kaptisisiet eng’ oloto: ak koguur kainetab Jehovah ak kiteech emainnyi eng’ oloto: ak kibal otwogikab Isak keringetab beek eng’ oloto.