Popular Bible Verses from Luk 13

Share

“Ciûmieni bûkûrûke na mwari jûrîa mûceke, nîkwîthîrwa babaingî bakageria gûkûrûkîîra ku îndî batîûmba.

Kûu kîromberoone nî kwaarî na mwekûrû ûmwe waathangîkîtue nî roho înthûûku îrîa yaamwethetie kîonje mîaka îkûmi na înaana. Aarî ûmunîku mûgongo na atîngîûmba kûrûngama ceeni. Rîrîa Jesû oonere mwekûrû ûu, aramwîta na aramwîra, “Mwekûrû, ûkworua.”

Jesû ararîkîîra mwekûrû ûu njara, na mûgongo jwaawe jûrarûngama ceeni na mwekûrû ûu arakumia Mûrungu.

Nî mma kûrî bamwe barî mûthia, bakaa ba mbere na kûrî bamwe barî mbere, bakaa ba mûthia.”

Îgiita rîgakinya na mwene nyomba ainge mwari. Naabuî bûrî oome, bwambîrîrie kûringaringa bûkiugaga, ‘Itû Mwathani, tûrûgûrîre.’ Nawe akabwîra, ‘Ntiijî kûrîa buumîte.’

Arî, kîu tîkîo kîaarî gîtûmi! Îndî ga nkûbwîra bwarega kwirira bwinthe bûgakua o tabo.”

Îndî akabwîra, ‘Ndîbwîra ntiijî kûrîa buumîte! Umeeni kîrî ni buî bûritaga ngûgî imboru!’

Jesû arabooria, “Ûnene bwa Mûrungu bûkari atîa? Nîmbi mpûûmba kûbûng'uanithania nayo? Nkabûng'ûanithania na gapîndî kaniini ka mûthandûkû karîa muntû ajûkîrie na arakaanda muundeene jwaawe. Gakuuma karakûra na karaa mûtî jûmûnene na nyoni iraaka itara mpang'iine ciaaju.”