Popular Bible Verses from Luk 14

Share

“Muntû ûrîa ûkwenda kûnthingata, no mwanka ampende nkûrûki ya ûrîa endete îthe na ng'ina, na mwekûrû waawe, na twaana twaawe, na ataana ba ng'ina, na aarî ba ng'ina; ningî no mwanka ampende nkûrûki ya ûrîa aciendeete wengwa.

Muntû wonthe ûrîa ûtîjûkagia mûtharaba jwaawe na anthingata atîûmba kwaa mûritwa waakwa.

Nîkwîthîrwa muntû ûrîa wineneagia akanyiiua na ûrîa wiinyiiagia akaneneua.’”

Tontû bûû, muntû ûrîa ûkwenda kwa mûritwa waakwa no mwanka atige into birîa arî nabio bionthe.

Nî muntû ûrîkû kîrî buî akîendaga gwaka nyomba ûtîambaga gûtara into na ûgûri bwaabio nîkenda oona këethîra arî na mbeecha cia kûûjûria nyomba îîu? Akarega kûthithia ûu, akaambîrîria kûmîaka na eekîre mûsingi îndî aremwe kûmîûjûria. Antû bonthe barîa bakamîonaga bagatua kûmûthekagîra bakiugaga, ‘Muntû ûûjû aambîrîrie gwaka, na araremwa kûûjûria nyomba.’

Îndî rîrîa ûkwenda gwîtana kîathoone, îtaga nkîa na ithua na bionje na atumuumu, naagwe ûkaatharimwa, nîûntû batîûmba gûkûrîaa. Gwe ûkarîwa rîrîa barîa baagîru bakariûka.”

“Chumbî nî înjega, îndî îkëeja kwaga mûchemo rî, nîatîa yûûmba gwîkîrwa mûchemo kaîrî? Yagîre mûchemo nî ya ûtherî îrî mûthetuune kana kinya mboreoone. Nîka îteejagwa. Muntû ûrîa ûrî na matû ja kwigua, nî aigue.”