Popular Bible Verses from Mar 8

Share

Nîkwîthîrwa ûrîa ûkenda kwonokia ûtûûro bwaawe akabûta. Îndî muntû ûrîa ûgata ûtûûro bwaawe nîûntû bwaakwa na nîûntû bwa Nteto Injega cia Mûrungu, akabwonokia.

“Nî umithio bûrîkû muntû akoona, këethîra nthîgûrû yonthe îkaa yaawe îndî aage ûtûûro?

Rîu Jesû areeta antû bonthe amwe na aritwa baawe na arabeera, “Këethîra muntû nî akwenda kûnthingata, nî airege na akamate mûtharaba jwaawe na anthingate.

Nîmbi muntû oomba gûkûrania ûtûûro bwaawe nayo? Muntû wonthe ûrîa ûkaigua nthoni nîûntû bwaakwa na aigue nthoni kûthingata nteto ciaakwa, nthukîîne îîjî ya antû batîkîraga Mûrungu na eeyia, kinya Mûtaana wa Muntû akaigua nthoni nîûntû bwa muntû ûu, rîrîa akeeja na araîka babatheru arî mwagoone jwa Îthe.”

Nawe arabooria, “A buî rî, buugaga ûûni ndî ûû?” Peterû aramûcokeria, “Gwe nîgwe Kristû.”