Popular Bible Verses from DUKU 8

Share

Mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. Ni an‑na sakana bai chɛndɛ chɛ a min, an mbe a sa wan an yii ma chɛndɛ chɛ, mbɛ an‑na a ma, yɔ sakana bai chɛ‑a min fɔ an ye a ma koe a. A sin to, yakɔɔtawa kan kɔ kan ni an tan bɛɛ, an mbe ee sɛmbɛ dan koe a Yataa a.”

Mɔɛ dɔ n sin mbe wan nɔ yɔ wai duu gboo chɛ, chin fen kuu chɛ n bea‑a ka min ma. An mbe sakana bai chɛndɛ chɛ a min fan, chɛɛ faagbaa ɛ wan an mɔɛ chɛ n ma, dunya chɛ ɔ nyanɛ ko a, a basan a ɔ buɔdia a. Ni chɛ ma‑a an yii ma, an mbe ee che an gbɔsɔ‑a Yataa 'a wai chɛ koe a.

Mɔɛ dɔ n sin mbe wan yɔ faa gban duu gboo chɛ, chin fen kuu n bea‑a min ma. Ni an‑na sakana bai chɛndɛ chɛ a min, an mbe an boo si wan a kɔɔ, buɔdia wandi gbu a. Chɛɛ Yataa 'a bai chɛ ee sa an yiima ɔ chɛndɛ chɛ, a ni tima ɔ yansama ya nɔ. An mbe dan dechee a a tima ɛnden fan ko a, chɛɛ ni koe ɔ gbɛa‑a an ma, mbɛ an‑na an boo bɔ a kɔɔ.

Mbɛ a ɔ an ma, “Fen ko a mu, wo ma dan ni n na?” Chɛɛ an da ɔ gbaa‑a wan, a sin, an chian‑da wan, mbɛ an dɔ an nyɔn ma, “Fen kamin nyɔn sima mu chɛ a? Ɛ koe min fɔ fia wɛɛ yɛ, a basan yii a, an mbe ma.”

Mɔɛ dɔ n mbe wan yɔ chia a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, Sitana ɛ na wan a ya kɔɔɛ a, mbɛ a‑a bai chɛ bɔ an yiima ɔ, min mbe a ma, an ma na dan sakana bai chɛndɛ chɛ a, mbɛ an‑na bauncha ma sɔn.

“Koe min na mu, ko ɔ ko min dɔ nunden mu, ɛ bɔ‑a wan ya a ma. Koe min bɛɛ ma bunden mu, a wɛɛ ɛ bɔ‑a wan ya a ma tee dɔndɔ a.

Mbɛ musu chɛ‑a a ɔ yen fan, mbɛ a‑a min ma, a bɔ‑a ya a ma. Chɛ ko a, a na‑a wan, a ma samba sambaenɛ ɛ, mbɛ a bea‑a Chisɔsi chen na. A tima a, mɔɛ gbɛɛ ya kɔɔ, a‑a a ɔ yian Chisɔsi a, fen na‑a a ma a tu‑a a a. A sin to, a baun‑da buɛ min dɔ a ya kɔɔɛ a. Mbɛ Chisɔsi ɔ, “Bɔɔɛ, ta i faa chimaenɛ a don. I 'a danaya‑a i baun.”

Mbɛ a fɛ denɛ n bun‑da a a kunɛ‑a. An dɔ, “Kan mɔ, kan mɔ, mmɔ yen ko to‑a yii ɔ.” Mbɛ Chisɔsi‑a a kɔɔ sɔ, a‑a yii chɛ, min kɔnkɔɛ ni sɔ ka dengben, a ɔ ɛ gbasi, a fea fia min bɛɛ ni bɔ tena, a‑a an na gban. Mbɛ fia ɔ maun‑da don, mbɛ yii wɛɛ si‑a chidi.