Popular Bible Verses from DUKU 9

Share

Mbɛ a‑a a fɔ an gbɛɛ ye, a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn tee ɔ tee a, mɔnɛ ɔ bia koe a n ko a, a basan fa koe a.

Koe min na mu, ni mɔ ɔ mɔ ban‑da bea koe a n fɛ, a wandi fɔɛ ma kanda koe a, an mɔɛ chɛ ee kuɔ fɔ fɔɛ ma sɔn‑da. Chɛɛ mɔɛ min mbe a yii bɔ‑a a fɔɛ ɔ n ko a, an mɔɛ chɛ ɛ kuɔ fɔ fɔɛ ma sɔn‑da wan.

Mbɛ Chisɔsi ɔ, “Ni mɔ ɔ mɔ‑a a fɔ, e bea‑a n fɛ, chɛɛ i yiima duenɛ ɛ fea a, e ee che a ma‑a mɔɛ a, Yataa 'a mansaya kɔɔ.”

Dunya chɛ ma nyanɛ gbɛɛ, min mbe a ma, mɔ ni fo kuɔ fɔ fɔɛ a, tɔnɔn ma a a.

Ni mɔ ɔ mɔ ban‑da n dɔ, a basan n da a kuiɛ a, n bɛɛ, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da Fa Yataa 'a manɛ a, nn bɛ maeka n na.

Mbɛ Chisɔsi ɔ, “Sonɛ n mbe fia ɔ soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina, n ni n suin.”

Mbɛ a‑a a fɔ an ye, a ɔ, “Ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ. A sin, ni mɔ ɔ mɔ‑a a boo si n kɔɔ, a‑a a boo si ka Yataa an kɔɔ, min‑na n na na. A mu min na, mɔ ɔ mɔ min mu mɔ dɔma a wo gbɛɛ wo tɛ ɔ, an mu mɔ chenama a.”