Popular Bible Verses from MAKI 10

Share

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

Mbɛ Chisɔsi‑a an gbɛɛ ma fɛn, mbɛ a‑a a fɔ an ye, a ɔ, “Mɔ gbu ee che chɛ chɛ‑a, chɛɛ Yataa tana, ɛ an chɛ. Koe min na mu, Yataa ɛ che wan ko ɔ ko ma‑a.”

Mbɛ Chisɔsi‑a a fɔ a ye, a ɔ, “Ta, e ta tena kaina min, i 'a danaya‑a i baun.” A ya kɔɔɛ a, kamin chɛ‑a kaina yen gbadan, mbɛ a‑a a sɔ Chisɔsi fɛ, a 'a tachɛ chia ma.

Chɛ an fɛ mu, fuu ɔ, ni Yataa‑a mɔ fea an chɛ an nyɔn dɔ, mɔ ɔ mɔ kan kɔ kan ma an tɛ du.”

Mbɛ Chisɔsi‑a kamin chɛ ma fɛn, a wakoe a dia‑a a ye. Mbɛ a ɔ kamin chɛ ma, a ɔ, “Ko dɔndɔ an to‑a, e min ma gbɛ. Ta, i ni i boo fenɛ gbɛɛ ma tachɛ. Mbɛ i‑a an kɔpɔɛ chɛ ya, i‑a a be yɔn tɔɛ n ma. Chɛ‑a a ma‑a wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a, i ma‑a n fɛ denɛ a.”

Mbɛ Chisɔsi ɔ, “I toen mu n ni fen ko chɛ i ye?” Mbɛ ya te tɔɛ chɛ ɔ, “Kan mɔ, a ma n ya a ni ka.”

Chɛɛ a ee ka wo tɛ ɔ. Ni wo dɔndɔ wɛɛ toen mu, a ni ma mɔ chenama a wo tɛ, an mɔɛ chɛ ni a wandi ma bɔi denɛ a, wo gbɛɛ ko a.

N ni a ma din wo tena, mbɛ ni mɔ ɔ mɔ ma dɔn ni, a ni don Yataa 'a mansaya kɔɔ yɔ den mɛsɛ chɛ nu, an mɔɛ chɛ ee che ma‑a Yataa ta a.”

Chɛɛ mɔɛ sɛsɛ nu, miin mbe sɔ ɔ ya ɔ sanche, Yataa ɛ an na yɛ‑a wan gbaa a. Mɔɛ miin sin mbe gbaa sanche, Yataa ɛ an sɔ‑a wan ya ɔ.”

Chɛɛ Yataa 'a gboo ɔ te, mbɛ dunya a dan tima a, Yataa na‑a mɔ gbu fea an nyan, kai an fea musu a. Yataa 'a gboo ɔ te to, a ɔ, ‘Chɛ an fɛ mu, ni mɔ kaima‑a musu fuu, ɛ a de to wan, a basan a fa a, mbɛ an chɛ‑a an nyɔn dɔ, an fea a 'a musu a.’ A ɔ, ‘A sin, an fea chɛ, an mbe ma‑a wan mɔ dɔndɔɛ a.’ Chɛ‑a a ɔ yian fan, mbɛ mɔ fea ma to an na, chɛɛ mɔ dɔndɔ gbe mu gbɛ an na.