Popular Bible Verses from MAKI 9

Share

Mbɛ Chisɔsi ɔ, “N ta bai ma chɛ a, ni n mbe kun fan. Mɔ ɔ mɔ i wɛn mbe i kai fa‑a n na, Yataa ɛ ko ɔ ko chɛ wan i ye.”

Mbɛ a ya kɔɔɛ a, den chɛ fa chɛ ɔ, “Danaya ɛ wan n dɔ, chɛɛ a ma gbɛ, n ni che n kai fa‑a i a, basan n ma!”

Chisɔsi don‑da kɛn chenɛ a, an dechee, mbɛ a fɛ denɛ n‑na a ɔ tisa. An‑na a fɔ wan, an dɔ, “Nn toen fan ni nn ni nyina chɛ gbain kaien chɛ fɛ, chɛɛ nn ma kun ni. Fen mu chɛ ma‑a nn na?” Mbɛ a ɔ an ma, “Samunɛ dechee, an mbe a ma, wo ni kun ko bonda chɛ ma‑a.”

Wo a ma kuiɛ ni ma wo wandi gbu ɔ, wo ni ma faachima ɔ wo nyɔn na. Kuiɛ nyin fan, ni a ɔ ma sɛ ni. Chɛɛ ni a ɔ sɛ‑a, mɔ ee che to, i ni a ma a dia ni yɛ a ɔ.”

“Mɔ ɔ mɔ min mbe a boo si‑a den mɛsɛ bonda chɛ kɔɔ, a‑a a boo si ka n fan kɔɔ. A sin, mɔ ɔ mɔ min mbe a boo si‑a n kɔɔ, a‑a a boo si ka Yataa an kɔɔ, min‑na n sɔ.”

Ka n mbe chɛ ma din wo tena. Mbɛ ni mɔ ɔ mɔ‑a yii be wo ma, n tɔɛ ɔ, a ɔ koe min na mu, n fan kunka mansa, n fɛ mɔɛ mu wo a, a gbu an mbe a tɔnɔnɛ ma sɔn‑da.”

Chisɔsi ɔ, “A sin, den mɛsɛ chɛ nu, miin‑na an kai fa ka n na, mɔ ɔ mɔ ma a ma, an ni ko yama ma. Ni mɔ ɔ mɔ‑a chɛ ma, ɛ nyan‑da wan an mɔɛ chɛ ko a, an ni sen fanka ma chii a kanɛ a, an ni a a dɛ yii wa ɔ.

Ni i ya nan fan bɛɛ‑a i a dɛ ko yama ɔ, a bɔ, i ni a a dɛ. A nyin i ni kuɔ fɔ fɔɛ ma sɔn, i ya dɔndɔɛ wɛɛ a. Chɛɛ a yau, i ya a kandenɛ ni ma, mbɛ i ta‑a ta ɔ.