Popular Bible Verses from MAKI 13

Share

Wo sin, mɔɛ n gbɛɛ, an mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.”

Wo wo kun ma fɛn, wo ma bɛndenɛ ni ma. Koe min na mu, wo ma tee sɔn, n na tima ɛ che‑a tee min ma.

Ni an na‑a wo a kun ti n tena, wo gbɛmbo koe a, an ni wo be gbae, wo faa ma gbaa, a si bai ma, wo e na tena min fɔ‑a. Chɛɛ bai ɔ bai, wo e min ma sɔn‑da a tima chɛ kɔɔ, wo e an fɔ. Koe min na mu, wo fɔ bai nu ma, wo e miin fɔ‑a, chɛɛ a bai chɛ n mbe ka tena Yataa Nyina an tena.

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

Chisɔsi ɔ, “Chɛɛ mɔ ɔ mɔ ma a tee gbu sɔn, a basan a tima a, n na koe a. N fan, Yataa 'a denɛ wɛɛ, n ma a ɔ sɔn, ni n mbe na‑a tima min na. Maeka n bɛɛ, banda bu ɔ, an ma a sɔn. Fa Yataa dɔndɔ gbe, an‑na a ɔ sɔn.

Wo e chɛɛ ma tɔɛ a min‑da wan wo a tindanɛ, wo ni chɛɛ ma tɔɛ a min pɔɔ. Koe chɛ n mbe ma‑a wan, chɛɛ wo ma chian. Chɛ ni ma wɛɛ, a ee a ɔ yian, mbɛ tima che‑a dunya ban koe a.

Chɛ an‑na a fɔ, wo ma bɛndenɛ ni ma tima ɔ tima ko a. Koe min na mu, wo ma a ɔ sɔn, chen ti chɛ ɛ na‑a tima min na, yɛɛ ma tee a mu, chɛ ma, su tɛ, chɛ ma, tɛ kɔnɛ konchee tima a sayi ma, chɛ ma, sau ma. A ma na na, a ni i tɛnɛ, e sa ɔ chinɔɛ ɔ. A sin, n mbe min fɔ wo ye, n mbe an fɔ mɔɛ gbɛɛ ye. Wo ma bɛndenɛ ni ma.”

A yɛ to, chɛnyɛ n mbe butuinɛ chɛ‑a wan an nyɔn na, mbɛ chɛnyɛ mɔɛ dɔndɔɛ n‑na chɛɛ chɛ an bɛ chɛnyɛ mɔ dɔ mende n na. Kɔnkɔ ma chianden ba ɛ ma‑a wan chɛnyɛ sɛsɛ ɔ, a sin to, duu gboo wɛɛ ɛ samba‑a wan chɛnyɛ sɛsɛ ɔ, dɔndɔ dɔndɔɛ a. Ko yawaenɛ saa n fan nɛ ka miin mbe ma‑a. Ko yawaenɛ chenama n mbe gbaa, miin mbe na tena ma‑a chɛ n gbakɔ.

Chɛ n mbe e na to ma‑a, sakana bai chɛndɛ chɛ pɛn mbe fɔ‑a, mɔɛ n ye chɛnyɛ gbɛɛ ɔ.

Mɔ sɛsɛ n mbe na‑a wan n tɔɛ ɔ, an mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

Chisɔsi ɔ, “Chɛɛ ni ko yawaen tee chɛ n ben‑da, tee ee na‑a man‑da, mbɛ kau wɛɛ pimbi‑a. Tɔmbuaka n mbe bea‑a wan a ka banda a. Fen kɔ fen min mbe banda a, Yataa ɛ a ɔ samba‑a wan a ka a gba ɔ.