Popular Bible Verses from MAKI 14

Share

A ɔ, “Fa, e kun fan ko ɔ ko ma. A ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”

Wo wo kɔɔ sɔ, wo ma chinɔ. Wo samunɛ ma ti bia, Sitana ma na a ma, wo ni wo kan kɔ sɔ Yataa a. Wo toen mu wo ni Yataa faa ma koe n ma, chɛɛ a gbasaya ee wo boo ɔ an ma koe a.”

A‑a min chɛ ka, n ni a ma din wo tena, a ee danka‑a nɛ. Chɛɛ kan kɔ kan dunya chɛ ɔ, sakana bai chɛndɛ chɛ ɛ fɔ‑a kaina, musu chɛ 'a ko chɛndɛ chɛ wɛɛ, ɛ fɔ‑a wan nɔ, mɔɛ n gbɛɛ ni a a min.”

Mbɛ a ɔ, “Faayɔnɛ min mbe n ma, a da a koo. A toen mu, a ni ta n na faa. Wo ma chinɔ nɛ, wo n ma kɔn.”

Mbɛ an ni kɛn daun chɛ chɛ‑a, Chisɔsi‑a biidi dɔndɔ ya. Mbɛ a‑a Yataa ɔ tisa, a ni biidi chɛ dua. Mbɛ a‑a a ɔ kai kai, a‑a a du du an ma, ɛ ta‑a a fɔ‑a, a ɔ, “N fandi gbu, n gboo an nɛ. Wo a bia, wo ni a daun.”

Mbɛ a‑a kɔpu wɛɛ ya, gbɛ ni min dɔ. Mbɛ a‑a Yataa wai bɔ, a‑a a be an ma, mbɛ a ɔ, “N wii an nɛ, n mbe na tena min na bɔn‑da mɔ gbu gbɛɛ ko a. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.” Mbɛ an gbɛɛ, an‑na a bia, an‑na a min.

Mbɛ Chisɔsi ɔ, “Wo gbɛɛ, wo e na tena wan ka‑a n fɛ. Koe min na mu, a nyɛnden fan mu Yataa 'a gboo ɔ, mbɛ ni Yataa‑a sa kun ma fɛn mɔɛ ya, sa n dɔ ɛ fasan fan.

Wo wo a sɔ, mmɔ ni bun ta‑a. Wo wo ya a ta pan. Mɔɛ min mbe n ma tachɛ tena, a yen ko na‑a.”

Mbɛ Chisɔsi ɔ, “Pita, n ni a ma din i tena, mbɛ tɛ kɔnɛ e na konchee gba fea sayi chɛ ma, e kɔɔsa bia chɛ‑a wan gba sawa, a si n sɔn koe ma i boo ɔ.”