Popular Bible Verses from Ɛksodɔs 9

Share

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

PAPA GƆD tɛl Mozis se, “Go to di kiŋ ɛn tɛl am se, mi, we na Ibru dɛn PAPA GƆD se, fɔ i lɛf mi pipul dɛn, mek dɛn go wɔship mi.

Tɛl di kiŋ se, a bin fɔ dɔn put sik pan in ɛn in pipul dɛn we bin fɔ mek dɛn day kɔmɔt na di wɔl.

a go mek in animal dɛn, in ɔs, dɔŋki, kamɛl, in man ɛn uman kaw, ship ɛn got dɛn gɛt bad bad sik we go mek dɛn day. Bɔt a nɔ go trit di Izrɛlayt dɛn animal dɛn so. Wan pan di Izrɛlayt dɛn animal sɛf nɔ go day.

Go tumara bay dis tɛm a go sɛn big big tinada blo, dɔn di ren we go fɔdɔm go fiba grabul-grabul. Dis kayn ren ya nɔ wande fɔdɔm na Ijipt. Tɛl di kiŋ mek i gi ɔda lɛ dɛn kɛr ɔl in animal dɛn ɛn in savant dɛn we de na dɛn fam go na sef ples so dat dɛn nɔ go day we di tinada go blo ɛn ren we fiba grabul-grabul go fɔdɔm.

Di asis go skata lɛkɛ fayn dɔst ɔlɔbɔt na Ijipt ɛn dis go mek di pipul dɛn ɛn di animal dɛn go gɛt bwɛl na dɛn bɔdi we go bɔs ɛn tan lɛkɛ sofut. So dɛn tek sɔm asis na wan fayasay ɛn go mit di kiŋ. Mozis sɛn di asis ɔp di klawd usay di kiŋ de. Bwɛl bigin fɔ kɔmɔt pan di pipul ɛn di animal dɛn ɛn we dɛn bɔs dɛn bin tan lɛkɛ sofut.